Li Îngilistanê serokwezîrê ne dihat xwestin Johnson dawiya dawî istifa kir.
Piştî vê, çav vegeriyan li ser diyarkirina serokwezîrê nû.
Heta diyarkirina serokwezîrê nû Johnson wê li ser kar bimêne.
Borîs Johnson ji roja bûyî serokwezîr û heta niha her tim navê wî di bûyerên sosret re derbas dibû.
Tevî serkeftina wî ya mezin a hilbijartinên 2019’an, ew kêmî 3 salan di posta Serokwezîriyê de ma.
Serokwezîrên ku îstifa xwe ragihandine, bi giştî tê çaverêkirin ku heta cîgirên wan diyar bibin, li ser kursiyên xwe bimînin.
Muhafezekar çawa lîderê nû dihilbijêrin
Dema ku serokê Partiya Muhafezekar dev ji wezîfeya xwe berde, ev yek bixweber pêşbaziya serokatiyê pêk tîne.
Li gorî rêgezên ku îro derbasdar in, divê namzet herî kêm 8 parlementeran piştgirî bikin.
Dema namzet ji duyan zêdetir be, wê demê heta 2 kes dimînin her dengdan pêk tê.
Namzet ji bo di tûra yekem de bimînin herî kêm divê ji sedî 5’ê dengan bistînin.
Ev ji di rewşa heyî de dike dengê 18 parlamenteran.
Di tûra duyemnîn de ji sedî 10 ku ew ji dike dengê 36 parlamenteran.
Di van pêvajoyan de namzetên herî kêm deng sitandine winda dikin.
Di dawiyê de dema ku tenê 2 namzet ma vê carê rewş tê guhertin.
Di rewşek wiha te ne tenê parlamenter tevahî endamên Partiya Muhafezekar ku nêzî 100 hezar kesî ne, dengê xwe bikar tînin.
Bi îstifaya serokwezîr re hilbijartina giştî pêk nayê
Dema ku serokwezîrek îstifa xwe ragihîne, ev nayê wateya hilbijartina giştî.
Hilbijartina giştî ya li Îngilistanê divê herî dereng ji Çile 2025’an were kirin.
Lê dibe ku serokwezîrê nû berî vê dîrokê biryara hilbijartinê bide.
Serokwezîr Johnson got, ew ê heta ku serokek nû neyê hilbijartin ew ê wekî serokwezîr bimîne.
Ev tê wê wateyê ku ew dikare serokwezîr bimîne heta ku Muhafezekar serokê xwe hilbijêrin.
Ya ku Theresa May û David Cameron beriya wê kiribûn ev bû.
Johnson: Heta diyarkirina serokwezîrê nû ez ê li ser kar bim
Johnson di axaftina xwe ya îstifayê de got,
“Divê pêvajoya hilbijartinê ya ji bo serokê nû demildest dest pê bike.
Nexşerêya rê dê hefteya pêş were eşkere kirin.”
Ji bo niha kesekî ku navê wî bo serokwezîrtiyê hatî diyarkirin tineye.
Wezîr Jeremy Hunt û Sajid Javid berê ji bo serokatiyê hevrikî kirine û dibe ku ew wê dubare bikin.
Di teoriyê de, Johnson heta radestkirina erkê xwe bo serokwezîrê nû xwedî heman hêzên berê ye.
Lê di pratîkê de rayeya avêtina gavên radîkal ên siyasî tune ye.
