Rûsya li dijî tevgera welatên Rojavayî êdî zimanê xwe yê gefxwarinê tujtir kiriye.
Serokê Rûsya Putin bi eşkereyî gef li welatên Rojavayî xwar û got:
Ger Rojava dixwaze di şerde me bibin bixe, ka bila biceribîne.
Serokê Rûsyayê Vladimir Putin bi serok û berdevkên partiyên siyasî yên baskê jêrîn ê Parlamentoya Rûsya li Dûmayê, re hevdîtin kir.
Vladimir Putin di civîna li Koşka Kremlînê de axivî û bal kişand ser polîtîkayên welatên rojavayî û operasyonên leşkerî yên Rûsyayê yên li Ukraynayê.
Putin îşaret bi girîngiya yekitiya parlamentoya Rûsyayê piştî operasyona artêşa Rûsyayê li Ukraynayê kir û wiha got:
“Li Amerîka, Ewropayê û heta li parzemînên din jî gelek alîgirên me hene.”
Serokê Rûsya ji ber cezayên ku welatên Rojava li ser wan ferzkirine jî bertek nîşan da û ev tişt anî ziman:
Biryarên derqanûnî yên li dijî Rûsyayê tên girtin ji bo me zehmetiyan derdixe.
Lê ji bo kesên ku li dijî Rûsyayê dest bi tehdîda aborî kirine ne tiştekî pêbawer e.
Armanca wan ew bû ku di nav civaka me de bibe sedema fitne, alozî û bêexlaqkirina mirovan.
Lê li vir jî şaş hesab kirin.
Tiştek jê derneket û ez bawer im ku ew ê nebe, “wî got.
Vladimir Putin diyar kir ku wî bihîstiye ku welatên rojavayî li benda derfetekê ne ku li qada şer li dijî Rûsyayê bimeşin û wiha got:
“Yê li Ukrayna şer da despêkirin ne Rûsya, lê welatên Kolektîf yên Rojava ye.
Îro em dibihîzin ku dixwazin li qada şer li me bixin.
Bila hewl bidin.
Em dibihîzin ku Rojava dixwaze heta Ukrayna dawî bi me re şer bike.
Ev ji bo Ukrayniyan trajediyek e.
Lê divê her kes bizane ku me hê dest bi tiştekî nekiriye.”
Putin diyar kir ku pêwîstiya welatên rojava bi welatekî weke Rûsyayê nîne û got,
“Pêdiviya wan bi welatekî weke Rûsyayê nîne.
Ji ber vê yekê li Rûsyayê piştgirî dan terorîzmê, li Rûsyayê piştgirî dan cudaxwaziyê, hêzên wêranker ên di nav me de û li welatê me piştgirî dan “Stûna Pêncemîn”.
