Di rewşeke wiha zehmet de careke din dewleta Tirk berê xwe da ava şêniyên herêmê û dîsa bi kar anî.
Niha dewleta Tirk rêjeya ava stasyona Elok ji sedî 50 kêm kiriye.
Ev heftiyek e li gelek taxên Hesekê av peyda nabe.
Nexasim Havîn e û pêwîstiya xelkê bi avê duqat dibe.
Şêniyên Hesekê di vî alî de gazinan dkin û daxwaza dîtina çareyeke bilez dikin.
Keleqçêna havînê ye û av jî tune ye.
Dewleta Tirk tevî hemû êrişên rojane, careke din rêjeya ava stasyona Elok kêm kir.
Bi vê yekê hewl dide herêmê bifetisîne û bi her awayî gelê wê tengav bike.
Pileya germahiyê li herêmê dighêje zêdetirî 40’î û pêwîstiya sereke ya xelkê di rewşeke wiha de av e.
Ev hefteyek e şêniyên gelek taxên Hesekê li benda dilopek av in.
Lê ew jî tune ye.
Ava stsyona Elok di dema heyî de ji sedî 50’î hatiye kêmkirin.
Şêniyên Hesekê: Dewleta Tirk dixwaze me bikuje!
Demsal Havîn e û xelk ji ber kêmbûna avê gelek zehmetiyan dikşînin.
Û di vî alî de gelek gazinan dikin.
Ji bo av bigihîje xelkê jî weke çareyekê, sehrîcên avê ji bo xelkê hatine desnîşankirin û avê belav dikin.
Her sehrîcek jî bi buhayê 8 hezar L.S tê firotin.
Lê vê jî barê xelkê giran kiriye û gelek nikarin rojane avê bikirin.
Stasyona Elok li rojahilatê bajarê Serê Kaniyê ye.
Ev stasyon avê dide bêhtirî milyon mirovî.
Lê ji dema dagirkirina Serê Kaniyê û heta niha, dewleta Tirk bi dehê caran rêjeya ava stasyonê kêm kiriye û xelk bêav hiştine.
Nexasim demsal Havîn e û pêwîstiya xelkê bi avê duqat dibe.