Li Îtalya aloziya siyasî hikumeta welat aniye ber têkçûnê.
Hikumeta koalîsyona berfireh ku Maro Draghi serkêşiya wê dike, bi aloziyên navxweyî re rûbirû ye.
Hikumetê ji bo erêkirina paketa alîkariya aborî li palamentoyê dixwaze bêxe dengdanê.
Tevgera 5 Stêrk ya ku yek ji hevkarên koalîsyonê ye, eşkere kir ku wê piştevaniya paketê nekin.
Ev yek jî bo sedema derketina krîza siyasî.
Serokê Tevgera 5 Stêrk (M5S) Giuseppe Conte ku ji ber şerê li Ukraynayê, pakêta piştgiriya aborî ya ji bo têkoşîna malbat û karsazan a bi zêdebûna bihayên enerjiyê re, ku wê îro li Senatoyê bikeve dengdanê, rexne dike.
Giuseppe Conte piştî hevdîtina bi koma partiya xwe re anî ziman ku ew ê ew beşdarî dengdanê nabin.
Conte bi bîr xist ku wan xwest Draghi di pakêtê de hin pêşketinan bike û wiha got:
“Welat li ber quntarê ye.
Yekane partiya ku li hemberî rewşên awarte zextê li hikûmetê dike em in.
Pêwîst e ku biçin qonaxeke cuda.
Daxuyaniyên Draghi ne bes in.
Em beşdarî dengdanê nabin.”
Conte peyam da ku ew ji bo tevkariya çêker ji diyalogê re vekirî ne.
Partiyên ku Hikûmeta Draghi ava dikin bertek nîşanî biryara M5Sê dan.
Di daxuyaniya ewil a Partiya Lîga de hat gotin ku ger M5S beşdarî dengdanê nebe wê hikûmet piraniya xwe ya li meclîsê winda bike û di vê mijarê de, divê gotin ji Îtalyayê re bê dayîn.
Her wiha hat ragihandin ku Serokê Partiya Lîga Matteo Salvînî û lîderê partiya Forza Îtalyayê Silvio Berlusconi ku di hikûmetê de ye ji bo nirxandina krîzê bi telefonê axivîn û li hev kirin ku bi hev re weke tifaqeke rastgir a navendî tevbigerin.
Hevkarê din ê koalîsyonê, Serokê Partiya Demokrat (PD) Enrico Letta, diyar kir ku divê Hikûmeta Draghi heta dawiya serdema qanûnî ya ku wê di nîvê yekem a 2023’an de biqede, li ser kar bimîne.
Di demekê ku hikumeta Draghi bi krîza aborî û tenduristiyê ya jiber pandemiya Covid-19 re têdikoşe de, şerê li Ukrayna rewşa heyî zortir kir.
