Endam û pêşkêşvana me Dîlber Xelîl duh ji ber nexweşiyê wefat kir..
Dîlber di Ronahî TV de xwedî kedeke gelekî mezin e..
Çend salan weke pêşkêşvanekê cihê xwe di nava TV de girtiye..
Di her kêliyên jiyan û mijarên bernameyên xwe de jî mijarên jinan dida pêş.
Jiyan bi wê rûkeniya xwe geş dibu.
Israra wê ya têkoşîna li hemberî hemû zehmetiyan di tevgera wê ya jiyanê de xuya dikir.
Her kêlî dixwest ku jin li pêş be û mafê xwe biparêze.
Ji lewra her bala wê mijarên girêdayî jinan dikişand.
Em behsa pêşkêşvana Ronahî TV Dîlber Xelîl dikin.
Dîlber ji salên destpêkê tevlî nava xebatên Ronahî TV bû..
Destpêkê bernameya “Îşaret Istifham” û piştre jî bernameya “Elwan” di TV de pêşkêş dikirin..
Di bernameyên xwe de çanda hevpar a hunermend, helbestvan û rewşenbîran li herêmên Bakur û Rojhilatê Sûriyê ronî dikir.
Dîlber Xelîl ji malbateke têkoşer a welatparêz e.
Hem jî xwişka her du şehîd Rinas Ciwan û Xelîl e ku di nava refên Tevgera Rizgariya Kurdistanê de şehîd bibûn.
Dilber jî weke malbata xwe, di nava xebtaên şoreşa Kurdistanî çalak bû.
Dilber ji zaroktiya xwe ve di nava xebatên çand û hunerê cihê xwe digirt û endama Koma Tolhildan bû.
Gelek Staranên wê di nava komaê hebûn.
Her wiha pirtûkek wê ya helbestan heye.
Dilber Peymangeha endezyariya Komputer, piştî wê fakulteya Ragihandinê li Şamê xwend.
Rojnamevan Dîlber Xelîl di rojnameya Ronahî de dixebitî û xebateke wê ya giran bûha di çapemeniyê de hebû.
Heman demê zewicî û dayîka du zarokan bû
Dilber demeke dirêj li dijî nexweşiya Alzheimer û Sehaya ango “Jibîrkirinû ltîhaba serî” li berxweda.
Roj bi roj nexweşî lê giran bû.
Dilbera ku hêza wê ya rakirina nexweşiyê nema duh çû ser dilovaniya xwe.
Şopa Dîlber û gelek kesayetê mîna wê her di nava çapemeniyê de dewam dike, hêviyên ku dixwestê pêk bînin jî gelek rêhevalên wan niha pêk tînin.
