Komîteya Gelan û Baweriyan a KCK’ê, ji ber Rojiya 12 Meleyan û parvekirina Aşûreyê daxuyaniyeke nivîskî weşand.
KCK’ê got:”Bi mîrateya Huseyîn û Zeyneban rabûna li dijî zilmên ku di roja me de dewam dikin, rêya herî rast a jiyanîkirina şehîdên Kerbelayê ye.
Meşa we ya heq û heqîqetê ya ku we bi eşqa Pîr meşandiye, bila ji bo gelên me aştî û aramiyê bîne.”
Komîteya Gelan û Baweriyan a KCK’ê, ji ber Rojiya 12 Meleyan û parvekirina Aşûreyê daxuyaniyeke nivîskî weşand.
Komîteya Gelan û Baweriyan a KCK’ê behsa têkoşîna ku li Kerbelayê hatiye dayîn kir, wekî têkoşîna heq li dijî neheqiyê û ya mazlûman li dijî zaliman pênase kir û got:
Ji ber vê yekê ji aliyê gelên xwedî nasname û baweriyên cuda ve pîroz hatiye dîtin û di hişê mirovan de cih girtiye.
Sekna Kerbelayê, di pênûsa mîratê ya kesên ku ji bo edalet, wekhevî û xwişk-biratiyê li ber xwe didin de hatiye nivîsandin.
Kurdên Rêya Heq û canên Elewî, vê berxwedana ku di şexsê Mele Huseyîn û Zeynebê de sembolîze bûye û gihîştiye roja me, bi pîrozkirinê bi bîr tînin.
“Em bang li hemû elewiyan dikin ku vî cewherê elewîtiyê hîn bi hêztir zindî bihêlin”
KCK’ê destnîşan kir ku li herêmê rojên Kerbelayê bi dawî nebûne û wiha berdewam kir:
“Înkar, zext û şîdeta ku bi sedsalan e li ser gel û baweriyan tê ferzkirin bi dawî nebûye.
Komkujiyên li ser jinan her diçe zêdetir dibin.
Li herêma me darvekirin, koçberkirin, desteserkirin û talan, bi taybetî ji aliyê hinek dewlet û komên ku ji xwe re dibêjin Misilman, li dijî gel û baweriyên qedîm tên meşandin.
Ev hemû xerabî Kerbelayên serdemê ne.
Elewî, bêyî ku li bawerî û neseba wan binêrin, kesên ku ji bo eşqa Heq li ber xwe dane wekî hevrê dîtine.
Elewiyan bi vê cewherê her dem zanibûne ku li aliyê yê mafdar bisekinin.
Rojiya 12 Meleyan û loqmeya Aşûreyê jî îfadeya vê ruh û baweriyê ye.
Bi vê mûnasebetê, di serî de Elewiyên Rêya Heq, em bang li hemû Elewiyan dikin ku vê cewherê Elewîtiyê hîn bi hêztir zindî bihêlin û mezin bikin.”
KCK’ê di dawiya daxuyaniyê de banga yekîtiyê kir û got: “Em hêvî dikin ku yekitiya we û aramiya we li ser van axan bibe sedema dewlemendiyên ku her kes jê nesîb bigire.”
