Şoreşa Rojava şoreşa jinê ye jin di her alî de bûn pêşeng

Şoreşa Rojava şoreşeke jinê ye.

Jinê vê şoreşê re pêşengtî kir û di her qadê rêveberiya Xweser de xwe rêxistin kir û îro ji bo hemû cîhanê bûye hêvî.

Hevkara me Salihe derbarê rola jinê di şoreşê de raporek amadekiriye em bi hev re temaşe bikin.

Jinan di 19’ê Tîrmeha 2012’an de çirûska destpêkeke nû vêxist.

Şoreşa jinan li Bakur û Rojhilatê Sûriyê şoreşek e ku dema ku şert û mercên guncaw bibîne, berhevbûna dîrokî pêk tê.

Di 15’ê Çileya 2005’an de bi avakirina Yekitiya Star re yekemîn sazûmaniya jinan a Rojava dest pê kir.

Piştî gelek gavên serkeftî Yekîtiya Star qadên xwe yên xebatê berfereh kir.

2016’an bi kongreyekê bû Rêxistina Kongra Star.

Di nava Kongra Star de 12 komîte hene ku di bi sîwana wê de xwe bi rêxistin dikin, ew jî ev in.

Perwerde, akademî, siyaset, parastina civakî, maf û edalet, aboriya komînal, malî, têkilî, çand û huner, tenduristî, ragihandin û komîteya civakî ne.

Jinan jî di 8’ê Îlona 2017’an de Meclisa Jinên Sûriyê avakirin.

Armanc jê ew bû ku hemû jin bêyî cudahiya netew û olan, cihê xwe di nava xebatê de bigrin.

Jinan di nava şoreşê de biryar dan ku bibin hêzên parastina jin û gelê herêmê..

Lewra 4’ê Nîsana 2013’an bi awayekî fermî avakirina Yekîneyên Parastina Jin hate ragihandin.

Rêxistina Sara ya li dijî tundiya ser jinan di 1’ê Tîrmeha 2013’an de li Qamişlo hat damezrandin.

Şaxên wê li her bajarî hatine vekirin û hemû pêkhateyan di nava xwe digre.

Rêxistina Sara ji bo bihêzkirina jinan di warê siyasî, aborî û civakî kar dike.

Yek ji destkeftiyên şoreşê jî Mala jin e.

Mala jin cihê parastina nasnameya jin, edalet û wekheviyê ye.

Mala yekem 20’ê Adara 2011’an li bajarê Qamişlo hatiye avakirin.

62 Mala Jinê li Bakur û Rojhilatê Sûriyê û yek jî li bajarê Şamê taxa Zorava jî hatiye vekirin.

Jineolojî ku zanisteke civakî ye, wek zanista şoreşa jinan tê dîtin,di sala 2015 ‘an de di çarçoveya şoreşa jinan de li Bakur û Rojhilatê Sûriyê dest bi kar kir.

Kombûna Jinên Zenûbya 2021’ê bi awayekî fermî hat avakirin.

Kombûna Jinên Zenûbya siwana ku hemû jinên herêmên rizgarkirî mîna Reqa, Tepqa, Dêre Zor û Minbicê di hundirê xwe de dihewîne ye.

Di aliyê Hunerî de jî jinan bi awayekî xweser xwe birêxistin kir.

Tevgera Hîlala Zêrîn di 2016’an de li herêma Cizîrê, di 2017’an de li herêma Efrînê û di 2’yê Adara 2018’an de li Kantona Kobanê Hat avakirin.

Back to top button