Konferansa 4. a Jinan ku ji aliyê Tevgera Jinên Azad (TJA) ve li bajarê Batmanê bi dirûşma “Em li dijî faşîzmê bi biryar in û di azadiyê de bi israr in” di roja 2. de dewam dike. Berdevka TJA’yê Ayşe Gokkan a girtî di peyam şand konferansê û got: Heta ku tecrîd were şikandin û jin azad bibin em ê li ber xwe bidin.”
Konferansa 4. a TJA bi dirûşma “Em li dijî faşîzmê bi biryar û di azadiyê de bi israr in” li Êlihê di roja duyemîne didome.
Ji gelek bajarên Tirkiyê û bakurê Kurdistanê 700 delege beşdarî konferansê bûn.
Mijarên weke berxwedana jinan, tecrîda li ser Rêber Abdullah Ocalan, talankirina xwezayê, polîtîkayên şerê taybet, binpêkirinên mafan ên li girtîgehan û rewşa girtiyên nexweş, tundiya li ser jinê û xizaniya jinê di konferansê de hatin nirxandin.
Di roja duyemîn a konferansê de piştî nîşandana sînevîzyonê, konferansê bi xwendina peyamên ji girtîgehê hatine şandin dewam kir.
Berdevka TJA Ayşa Gokkan: Heta tecrîd were şikandin em ê li ber xwe bidin
Berdevka Tevgera Jinên Azad (TJA) Ayşe Gokkan ku li Girtîgeha Jinan a Amedê girtî ye, ji konferansê re peyamek şand.
Ayşe Gokkan di peyama xwe de ev tişt got:
Jin ji bo jiyanek azad ji Afrîkaya Başûr heta Rojhilata Navîn, Tirkiye û her beşên Kurdistanê li dijî faşîzm û dîktatoran li ber xwe didin.
Û pêşengtiya civakê dikin. Ji ber vê yekê bi komkujî, tundî, girtin, tacîz û destdirêjiya dîktatoran re rû bi rû ne.
Îro ji ber polîtîkayên van rejîman bi hezaran jin dîl tên girtin.
Em li girtîgehan bin jî, hiş û ruhê me azad e. Jin li dijî rejîma baviksalariyê bi ruhekî azad li ber xwe didin.
Heta ku tecrîd were şikandin û jin azad bibin em ê li ber xwe bidin. Bi van hestan ez Konferansa 4. a Jinan silav dikim.
Jinên tevlî konferansê bûne: Em ê têkoşîna xwe bikin yek
Hevseroka Partiya Demokratîk (HDP) a Esenyûrtê Sevgî Yilmaz a tevli konferansê bûyî axivî.
Sevgî Yilmaz îşaret bi serhiladana jinan li Îranê kir û ev tişt got: Li Îranê jin bi salan e têne qirkirin, lê êdî serî hildidin.
Em jî heta dawî li cem jinên li ber xwe didin û serî hildidin e.
Yek ji jinên ciwan a ji zanîngehê Emîne Ekîn jî balkişand ser şoreşa rojavayê Kurdistanê û weke nimûne ji bo tevahî jinan bi nav kir.
Emîne destnîşan kir ku bi perspektîfa rêber Ocalan jinan xwe birêxistin kirin û îro roj şoreşa xwe li rojava biserxistin û wiha pê de çû: Bi rihê şoreşa rojava em jî xweparastinê pêş dixin.
Nazgul Çamûr jî rola jinan a di şoreşên dîrokê de pêk hatin destnîşan kir.
Ji Atolyeya Hunerê Cejna Sarûhan jî diyar kir ku li Îran, Iraq û Tirkiyeyê jin li derdora felsefeya ‘Jin jiyan azadî’ kom dibin û ev bang kir:
Divê jin vê dirûşmeyê biparêzin û têkoşînê bikin yek.