Li Îtalya ji bo diyarkirina hikumeta welat hilbijartin pêk hat.
Di hilbijartinê de tifaqa Birayên Îtalî ya rastgirên tund ku Giorgia Meloni serokatiya wê dike, biser ket.
Li welat tê çavrêkirin ku hikumet ji aliyê rastgiran ve were avakirin û Meloni ji bibe yekem serokwezîra jin ya welat.
Lê ya diyar, welatên YE ji rewşa heyî bifikarin.
Piştî ku Serokwezîr Mario Draghi Tîrmeha derbasbûyî îstifa kir, hilbijartina pêşwext pêk hat.
Ji bo 50 milyon hilbijêr dengê xwe bikar bînin bang li welatiyan hate kirin ku biçin ser sindoqan.
Hilbijartin ji bo diyarkirina Senatoya Komarê ya ji 200 kursiyî ku baskê jorîn ê parlamentê ye û Meclîsa Nûneran a ji 400 endamî ku baskê jêrîn ê parlamentê ye, pêk hat.
Dengdan bi dema herêmî şevê din saet di 23:00 de bi dawî bû.
Hate ragihandin ku rêjeya tevlîbûna hilbijêran a li dengdanê gelekî kêm bû.
Çavdêr dibêjin rêjeya tevlîbûnê li derdora asta ji sedî 51’ê ye.
Piştî ku dengdan qediya, qenalên televîzyonê yên Îtalyayê Rai û SkyTG24 endamên destpêkê eşkere kirin.
Li gorî vê yekê koalîsyona rastgiriya tund di navbera ji sedî 41 heta 46’an deng stand.
Eger encam bi vî rengî be wê Meloni bibe serokwezîr
Li gorî encamên destpêkê Partiya Birayên Îtalyayê (FdI) ya rastgiriya tund a li muxalefetê ku Giorgia Meloni serkêşiyê jê re dike ji sedî 22-26 ê dengan stand û bû partiya yekemîn.
Partiyên din ên rastgiriyê Lîga Bakur (LN) ji sedî 8-12 û Forza Italia jî ji sedî 6-8 ê dengan wergirtin.
Eger encam bi vî rengî bimîne wê eniya rastgiriya tund xwedî wê hejmarê be ku karibin hikumetê ava bike.
Lidera rastgiriya tund ku timî gotinên neteweperest û Xiristiyaniyê bi kar tîne wê bibe Serokwezîra destpêkê ya jin a dîroka Îtalyayê.
Dengên partiyên Çep ên navendî kêm bûn
Li gorî encmaên destpêkê eniya ku xwe weke ‘partiyên çep ên navendî’ pênase dikin, dengê xwe gelekî kêm kirine.
Partiya Demokratîk (PD) a bi lîderiya Enrico Letta ku di navbera salên 2013-2014’an de serokwezÎr bû ji sedî 17-21 ê dengan stand.
Partiya Tevgera Pênc Stêrk a populîst a bi serkêşiya ji serokwezîrên berê Giuseppe Conte jî ji sedî 13,5 heta 17 ê dengan wergirt.
