Bagera Ian ya Amerîka dayî ber xwe, ziyaneke mezin ya canî û madî li pey xwe hişt.
Heta niha herî kêm 10 kes mirin.
Ji ber rewşê metirsî heye ku jimara miriyan zêdetir bibe.
Serokê DYA Biden û Waliyê Florida li ser rewşa li herêmê civiyan.
Bagera Ian a li Florida ya Dewletên Yekbûyî yê Amerîka DYA bi bandor e, berê xwe daye peravên Karolînaya Bakur û Başûrê welat.
Tîmên rizgarkirinê jî hewl didin xwe bigihînin kesên asê mane.
Hat ragihandin ku li qadeke pir berfireh xebatên lêgerîn û xilaskirinê didomin.
Heta niha herî kêm 10 kesan jiyana xwe ji dest dane.
Lê berpirs ditirsin ku jimara miriyan pir zêdetir be.
Serokê DYA Joe Biden jî xemgîniya xwe anî ziman ku bager wê bibe sedema mirina herî zêde li eyaletê.
Biden got,
“hejmar hîn ne diyar in, lê raporên destpêkê yên ku me wergirtine diyar dikin ku windahiyên girîng ên jiyanê ne.”
Bagera Ian ya ku yek ji bagerên herî mezin ya li ser xaka welat bibandor bû, bû sedema lehî, qutbûna xetên elektirîk û zirarek zêde çêbibe.
Bêtirî 2,2 mîlyon malbat û karsaz hîn jî li eyaletê bê elektirîkin.
Walî Ron DeSantis got; navçeyên Lee û Charlotte ku 900 hezar kes lê dimînin, ji derveyî torê mane.
Helîkopter hewl didin xwe bigihînin kesên asê mane.
Di vê navberê de, dema ku eyaletên Karolînaya Bakur û Başûr xwe ji bagerê re amade dikin de, Bagera Ian ya Florida ji hev xistî derbasî bagera tropîkal bû.
Lê belê danê êvarê dîsa veguherî bagerekî û di saetê de leza xwe gihişt 120 kîlometreyan.
Li sînorê 370 kîlometre yali başûrê Kalorîna-Georgia hişyariya bagerê hate kirin.
Waliyê Florîda DeSantis diyar kir ku li seyrangeha betlaneyê ya bijare ya Girava Sanîbael wêraniyeke mezin çêbûye û 28 helîkopter jî beşdarî operasyonên derxistina ji giravê bûne.
Biden ê bi Walî DeSantis re hat bal hev diyar kir ku Koşka Spî wê ji nêz ve koordînasyona xwe bidomîne û li gorî şert û mercan wê serdana eyaletê bike.
Biden daxuyaniya karesatê jî pejirand, bi vî awayî rê li ber çavkaniyên federalî vekir ku ji bo herêmên bandorbûyî yên bagerê werin veqetandin.
