Lêkolînera civakî ya sûrî Şefa Sewan diyar kir ku kuştina jinan li ser bingeha olî, li dijî nirxên mirovahiyê ye û got:”Divê rayedarên Îranê daxwazên şoreşa jinan pêk bînin.”Li aliyekî din Nivîskara Îranî Sepîdeh Darvîshî jî bank kir ku êdî ew dixwazin li welatekî azad bijîn. Her wiha Jinên di Girtîgeha Jinan a Bakirkoyê ya li Stenbolê de tên ragirtin ji bo qetilkirina Jîna Emînî porên xwe birîn.
Serhildana Rojhlatê Kurdistanê ji nîvê meha Îlonê ve bi pêşengiya jinan didome.
Têkildarî mijarê lêkolînera civakî ya sûrî Şefa Sewan tekezî bi wê yekê kir ku kuştina mirovan li ser bingehên olî, bi serê xwe li dijî nirxên mirovahiyê ye.
Şefa Sewan diyar kir ku her mirovek di lixwekirina cil û bergan de azad e ku ew jî baweriya wan diyar dike û got:
”Dema rêxistina terorîst a DAIŞ’ê herêm xist bin kontrola xwe, reşahî li ser serwer bû.
Îro li Îran û Erebistana Siûdî jî reşahî serdest e.
Sepîdeh Darvîshî: Êdî em dixwazin li welatekî azad bijîn
Li aliyekê din Nivîskara Îranî Sepîdeh , berî 5 salan ji ber zextên rejîma Îranê çûye Tirkiyê.
Sepîdeh anî ziman ku dewleta Îranê herî zêde dijminê jinan e.
”Ji ber zexta şerîatê hinek kes diçin dêrê û ola xwe diguherînin.
Gelek caran ez hatim binçavkirin û rastî êşkenceyê hatim û gefa destdirêjiyê li min xwarin.
Herî dawîn cezayê girtîgehê li min birîn û ez jî neçar mam ji welatê xwe birevim.”
Darvîshî şopa êşkenceyê nîşan da û diyar kir ew nikare bi pênûsê bigire.
Di dawiyê de Sepîdeh da zanîn ku tekane daxwaza wan li welatekî azad bijîn e.
Jinên di girtîgeha jinan a bakirkoyê ya li Stenbolê ji bo Jîna Emînî porê xwe birîn
Her wiha li aliyekê din jî Jinên di Girtîgeha Jinan a Bakir koyê ya li Stenbolê de tên ragirtin, ji bo Jîna Emînî ya ji aliyê polîsên Îranê ve hate qetilkirin porê xwe birîn.
Jinên, ji bo piştevaniyê porê xwe birîn, berxwedana jinan a belavî cîhanê bû silav kirin.
Jinan, porê xwe dan jinên ku di hevdîtina vekirî de çûne hevdîtina wan.
