Mîthet Sancar: kujerên Jîna û yên Nagîhanê yek hişmendî ne

Hevserokê Giştî yê HDP’ê Mîthet Sancar û Siyasetmedar Hatîp Dîcle, têkildarî kuştina jinên Kurd Jîna Emînî û Nagîhan Akarsel axivîn. Sancar diyar kir ku ev desthilatên zalim ji têkoşîna jinan ditirsin, lewma wan dikin hedef. Hatîp Dîcle jî anî ziman ku dewleta Tirk di salên 90’î de jî êrişên bi vî rengî dikirin û ji YNK’ê xwest ji bo pêşî girtina van êrişan xwedî helwesteke zelal be.

Hevserokê Giştî yê HDP’ê Mîthet Sancar û Siyasetmedar Hatîp Dîcle, têkildarî kuştina jinên Kurd Jîna Emînî û Nagîhan Akarsel axivîn.

Hevserokê Giştî yê Partiya Demokratîk a Gelan (HDP) Mîthat Sancar û şandeyekê ku li Qersê bûn, bi gel re civiyan..

Mîthat Sancar destpêkê qale zilma ku desthilat li gelê Kurd dike kir û wiha got: ” Gelê me neçarî tunebûn û xizaniyê hatiye kirin û keda wan tê xwarin.

Ev pergal wiha wê wiha dewam neke û em ê teqez hilweşînin.”

Sancar: Ev desthilat ji têkoşîna jinan ditirsin

Sancar diyar kir ku tirsa desthilatdariyên zalim a herî mezin, têkoşîna jinan e û balkişand ser bûyera kuştina Jîna Emînî û rojnamevan Nagîhan Akarsel û got: Desthilatdarên yekperest, despot û dîktator ji têkoşîna jinan pir ditirsin.

Bûyera li Îranê yek ji mînakên vê rastiyê ne. Jîna Amînî bi hovane qetilkirin.

HDP partiya jinan e. Dê nekarin xwe li pêşiya HDP’ê bigirin û em ê nîşanî wan bidin ku nikarin xwe bigirin.

Akademîsyen, nivîskar, lêkolîner û yek ji pêşengên tevgera jinan Nagihan Akarsel li Silêmaniyê hat qetilkirin.

Zîhniyeta ku Jîna qetil kirî heman e ku Nagîhan qetilkir.

Ji jinan û têkoşîna wan ditirsin.

Hatîp Dîcle: Dewleta Tirk di salên 90’an de jî ev êriş dikirin

Siyasetmedarê kurd Hatîp Dîcle jî derbarê Şehîd Nagihan Akarsel ku li Girtîgeha Ulucan-larê nas dikir, ji ajansa Mezopotamiya re axivî.

Hatîp Dîcle qale naskirina xwe ya ji Akarsel re kir û got: “Hevrêyeke xwedî îrade û têgihiştî bû.

Bi reşkujiyeke nemerdane bû hedef.

Tevî reşkujiya li dijî heval Nagihanê, li Silêmaniyê 5 reşkujî hatin kirin.

Ji hêla MÎT’ê ve tên rêxistinkirin.

Di salên 90’î de jî li Tirkiyê cînayetên kiryarnediyar dihatin kirin.”

Hatîp Dîcle: divê YNK xwedî helwesteke zelal be

Dîcle her wiha anî ziman ku dewleta Tirk ji YNK’ê aciz e û sedema wê jî ew e ku wekî PDK’ê xizmete wê nake û got: Bi van cinayetan dixwazin zextê li YNK’ê bikin.

Ji bo pêşî girtina van êrişan hewceye YNK xwedî seknekî zelal be. Divê xwedî sekna Mam Celal bin.”

Back to top button