Şerê li Ukrayna di meha xwe ya 8’an de ye.
Ev şerê wêranî û ziyaneke zêde li bi xwere anî, bandoreke zêde li Ukrayna kiriye.
Serokomarê Ukrayna Zelensky ragihand ku ji bo ji nûve avakirina binesaziya welat pêwistiya wan bi 55 mîlyar dolarî heye.
Li dijî gefên nukleerî yên Rûsya ji YE bertekek tund hat.
YE ragihand ku dibe bersivdayîn bi çekên nukleerî pêk neyê, lê wê artêşa Rûsya bê tinekirin.
Ji 24’ê Sibatê ve Rûsya bi hemû hêza xwe êrişî Ukrayna dike.
Geg li bakurê welat û gehî jî li rojhilatê welat êrişên xwe dijwar dike.
Lê hîna ev daxwaza Serokê Rûsya Vladimir Putin ya ji bo pêkanîna armanca wî pêk ne hatiye.
Lê ya pêk hatî jî wêraniyeke zêde ya li ser xaka Ukrayna ye.
Zelensky: Pêwistiya Ukrayna bi 55 mîlyar dolarî heye
Banka Cîhanê, Fona Pereyan a Navneteweyî (IMF) û hikûmeta Ukraynayê ji bo piştgiriya ji bo Ukraynayê bi beşdariya hin welatan, civîna duyemîn a wezîran li dar xistin.
Serokomarê Ukraynayê Volodymyr Zelensky û Serokwezîrê Ukraynayê Denis Shmigal bi rêya vîdyo konferansê beşdarî civînê bûn.
Volodymyr Zelensky di axaftina xwe ya li civînê de diyar kir ku êrîşên Rûsyayê zirar daye binesaziya Ukraynayê.
Zelensky bal kişand ser girîngiya alîkariyên ji bo Ukraynayê û wiha got:
“Her ku Ukrayna bêtir alîkariyê werbigire, em ê zûtirîn dem şerê Rûsyayê biqedînin û bi lez û bez garantî bikin ku şerekî wiha hovane li welatên din belav nebe.”
Zelensky ragihand ku Ukrayna ji bo kêmbûna budceya texmînkirî ya sala bê 38 milyar dolar û ji bo ji nûve avakirina binesaziya xwe 17 milyar dolar pêwist dike.
Di axaftina xwe ya li civînê de Rêvebera IMF’ê Kristalina Georgieva got;
Ukrayna di sala 2023’an de wê xwedî pêdiviyên mezin ên fînansê be.
Wezîra Xezîneyê ya Amerîkayê Janet Yellen jî diyar kir ku divê alîkariyên bo Ukraynayê dewam bikin.
Ji Ewropa bo Putin: Wê artêşa Rûsya tine bibe
Berpirsê Polîtîkayên Ewlekarî û Derve yê Yekîtiya Ewropa Josep Borrell jî têkildarî gefên nukleerî yên Rûsya axivî.
Borrell got;
“Her êrîşeke nukleerî ya li dijî Ukraynayê wê bê bersiv nemîne.
Wê bersivdayîn ne bi nukleerî be, lê wê bi xurtbûneke wiha be ku tevahiya artêşa Rûsya Tirne bike.
Divê Putin ji xwe re wiha ne axive.”
