Êrişa li Stenbolê bi plankirî û di bin kontrola rejîmê de pêk hatiye. Ev yek bi agahiyên derbasbûna rojê re zelaltir dibe. Di navbera Serokê MHP yê Şirnexê Îlhan û Ahlam Albasahir ya bi pêkanîna teqînê tê tewambarkirin peywendî derketin. Girêdayî mijarê Hevseroka HDP’ê Buldan jî peyama hişyariyê da û got: “Divê hemû kes li dijî van operasyonan hişyar û xwedî helwestekî hevpar be.”
Rejîma AKP-MHP yên Tirkiye veguherdine welatek aloz, li pey provakasyonanin.
Bi nêzbûna dema hilbijartinê re, senaryoyên Hezîrana 2015’an careke din derdikevin.
Di teqîna 13’ê Mijdarê li Taksîm a Stenbolê pêk hat de, 6 kesan jiyana xwe ji dest dan û 81 jî birîndar bûn.
Têkliya êrişakara Stenbolê bi MHP’ê re derket
Piştî bûyerê, yekser Wezîrê Karê Hundir yê Tirkiyê Suleyman Soylu êriş xist stuyê Kurdan.
Lê bi derbasbûna demê û agahiyên li ser çapemeniyê hatin belavkirin re, tê xuyakirin ku ev yek teqîneke plankirî ye.
Derket holê serokê MHP’ê yê Şirnexê Mehmet Emîn Îlhan bi Ahlam Albasahir ya weke sûcdarê êrişê tê nîşandan re, hevdîtina telefonê pêkaniye.
Hat tespîtkirin ku hejmara telefonê ya li ser navê Îlhan du caran bi Ahlam Albasahir re axivî ye.
Li ser vê yekê jî midûriyeta emniyetê ji bo îfadeyê bang li serokê MHP’ê Îlhan kir.
Beriya derketina van agahiyan Soylu îdia kiribû ku Albasahir li Kobanê hatiye perwerdekirin û di ser Efrînê re derbasî Tirkiyê hatiye kirin.
Ev yek ji beriya 4 mehan pêk hatiye.
Lê mîna axaftinên beriya vê, ev jî derew derket.
Cîranên Albasahir Soylu derewand
Cîranên Albasahir yên li Stenbolê ji çapemeniya Tirkiyê re anî ziman ku ev saleke ew li vir e.
Reuters: Tirkiye wê êrişî Bakurê Sûrî bike
Hemwextî van agahiyan, çapemeniya Îngilistanê li ser mijarê agahiyek balkêş parvekirin.
Ajansa Reuters bi nûçeya xwe ya spartî berpirsekî rejîma Tirkiyê ku navê wî eşkerenekirî dibêje;
Tirkiye çi dibe bila bibe wê êrişî bakurê Sûrî bike.
Di vê yekê de jî bi israr e.
Reutersê diyar kir ku ev yek piştî êrişa li herêmên Parastinê yên Mediya bi dawî bû wê pêk were.
HDP: Desthilat rastiya teqîna Stenbolê vedşêre
Piştî van bûyeran, Ji Hevseroka Giştî ya Partiya Demokratîk a Gelan (HDP) hişyarî hat.
Hevseroka HDP’ê Pervîn Buldan di civîna koma partiya xwe de li ser mmijarê axivî û got:
“Desthilatdarî hewl dide rastiyên teqîna li Taksîmê veşêre û tine bike.”
HDP: Em ne biyaniyên vê polîtîkayê ne
Pervîn Buldan komkujiya 2015’an a li Enqereyê, Pirsûsê, Amedê û Dîlokê bibîr xist û ev tişt anî ziman: “Em ne biyaniyên vê polîtîkayê ne ku dixwazin bi tirs, xof û şer teşe bidin siyasetê.
Em ê destûrê nedin van operasyonan ku dixwazin pê reng bidin pêvajoya hilbijartinê.”
https://youtu.be/kMMORSmMftU
