Gumanên sabotajê yên di teqînên li ser xetên boriyên Nord Stream ku gaza Rûsyayê dibirin Almanyayê, bi encamên dawî re xurttir bûn.
Lê perdeya li ser kê heta niha ev bûyer pêk aniye hîna nehatiye rakirin.
Bi dirêjbûna şerê li Ukrayna re, Rûsya di nava rojên zehmet re derbas dibe.
Yek ji van sedeman cezayên ji aliyê Ewropa ve li ser welat hatiye ferzkirin e.
Lê tevî vê yekê Rûsya kaxeza enerjiyê di her warî de li dijî Ewropa bikar tîne.
Teqîna li dijî boriya xeta gaza xwezayî ya Nord Stream ya gazê ji bo Almanya vedikişîne alozî gurtir kir.
Ji bo teqîna li derya Baltîk ya ji despêka Îlonê ve pêk hat, gelek îdia derketin.
Herî dawî di daxuyaniya îro ya Serdozgeriya Swêdê de hat ragihandin ku li cihên ku di boriyan de rijandine bermahiyên madeyên teqemeniyê hatine dîtin.
Serdozger Mats Ljungqvist got,
“Di encama lêkolînê de, bermahiyen teqemeniyen di nav ciyawazen ku hatin kolandin de hatin tesbitkirin.”
Serdozgerê Giştî bal kişand ser vê yekê ku pêvajoya lêpirsînê “pir tevlîhev û berfireh e” û ev tişt anî ziman:
“Lêkolînên ku dewam dikin wê diyar bikin ka gumanbarek dikare were naskirin an na.”
Du teqîn li çar xalên boriyên Nord Stream 1 û Nord Stream 2 li herêma taybet a aborî ya Swêdê û du ji wan jî li herêma aborî ya taybet ya Danîmarkayê pêk hatin.
Encamên demkî yên lêkolînên ku li Danîmarkayê hatin kirin, meha borî hatin eşkerekirin.
Di encamê de hate piştrastkirin ku lêçûna gazê ya li ber boriyan re ji ber teqînên bihêz e.
Li cihê teqînê 2 keştî hatin dîtin
Ji aliyê din ve, di dîmenên satelaytê yên Ajansa Fezayê ya Ewropayê de, vedîtineke din a ku dikare perdeya dûmanê li ser bûyerê veke derket holê.
Hate piştrastkirin ku di wêneyên satelaytê yên du roj beriya teqînên 26’ê Îlonê ku ji aliyê rojnameya Almanî Die Welt ve hatine kişandin de, du keştî li cihê bûyerê hatine dîtin.
Lêkolînên li ser mijarê li Almanyayê bi awayekî berfireh dewam dikin.
