Qasim El-Hinî: Eger Amerîka ne bi me re be bila ji herêmên me derkeve

Şêxên eşîrên li Reqayê diyar kirin ku Amerîka jî hevkarê êrişên dewleta Tirk e û gotin:
”Eger hêzên Amerîkî bi awayekî cidî li kêleka me nesekinîn, divê ji xaka me derkevin.”
Şêxan piştrast kirin ku li hember êrişan ew bi QSD’ê re ne û dê parastina xaka xwe bikin.

Rûspiyên eşîrên li herêmên Bakur û Rojhilatê Sûrî derbarê êrişên dewleta Tirk ên li dijî herêmê de ji ANHA’yê re axivîn.

Rûspiyê eşîra El-Hinî ya li Reqayê Qasim El-Hinî êrişên dewleta Tirk şermezar kirin û ev tişt anî ziman:

“Piştî teqîna çêkirî ya ku li Tirkiyê rû da, dewleta Tirk bi hemahengiya Amerîkayê, bi balfiran êrişî herêmên me kirin.

Bi rêya êrişên xwe hewl dide projeya Rêveberiya Xweser a Bakur û Rojhilatê Sûrî têk bibe û gelê li herêmê bide koçberkirin.”

Qasim El-Hinî anî ziman ku eger hêzên Amerîkî bi awayekî cidî li kêleka me nesekinin, divê ji xaka me derkevin.

El Hinî bang li gel kir ku li dijî êrişên Tirkiyê bi QSD’ê re bibin yek û li hember êrişan bisekinin û parastina xaka xwe bikin.

Şêx Telal El-Sîbat: Amerîka hevkarê êrişan e

Şêxê eşîra El Ciabat a Reqayê Telal El Sîbat jî diyar kir ku ev êrişên li dijî herêmê pêk hatin bi erêkirina Amerîkî ne û got:

”Amerîka jî hevkarê êrişên dewleta Tirk a dagirker ên li dijî herêmên me yên ewle û aram e.”

El Sîbat diyar kir ku dewleta Tirk bi rêya êrişên xwe hewl dide dagirkeriya Osmanî ji nû ve vegerîne, lê em ê rê nedin wî.

Şêx Telal El Sîbat bang li hêzên navneteweyî kir ku der barê van êrişên de ku sivîlan dikin hedef, helwesta xwe nîşan bidin.

Şêx Mistefa Ebdî: Em ê bi QSD’ê re parastinê bikin

Ji aliyê xwe ve şêxê eşîra El-Mûsa El-Zahir, Mistefa Ebdî jî li hember êrişan piştgiriya xwe bi QSD’ê re anî ziman û got:

“Hemû şervanên QSD’ê yên li eniyên şer, zarokên eşîran û yên gelê herêmê ne. Vê herêmê ji bo têkbirina DAIŞ’ê gelek şehîd dan.

Îro jî niyeta dewleta Tirk heye ku herêmê dagirker bike, lê em nahêlin û em ê canê xwe feda bikin da ku dagirkeriya Tirk têk bibin.”

Back to top button