Ji xwişkên Mirabal ku sembolên Roja Têkoşîna li dijî Tundiya li ser Jinan a Cîhanê ne, ta Sakîne Cansiz ku sembola şoreşa îsyanê ye dirûşma “Na ji tundiyê re” berdewam e. Niha jî Jîna Emînî û Nagîhan Akarsal bi dirûşma’ Jin, Jiyan, Azadî’ têkoşîn dewam kirin.
Wan ji bo jinan mîrasek hişt ku têkoşîna li dijî zihniyeta baviksalariyê dewam bikin û bigihêjin azadiya xwe.
Patria, Minerva û Maria Theresa; sê xwişkên ku bi “Perperîkan” hatin binavkirin, li Komara Dominican bi awayekî hovane hatin kuştin.
Kuştina wan serhildanek çêkir ku dawî li dîktatoriya zêdetirî 30 salan anî.
Neteweyên Yekbûyî (NY) sala 1999`an an ku 25`ê Mijdarê roja kuştina wan wek Roja Têkoşîna li dijî Tundiya li ser Jinan a Cîhanê ragihand.
Tevgerên jinan ji bo bidawîkirina tundiyê û ji bo ku mafên xwe yên rewa bi dest bixin, heta demeke dirêj têkoşiyan û hîna tê dikoşin.
Jinên kurd jî xwedî dîrokeke demdirêj a vê têkoşînê ye.
Sakîne Cansiz di nava tevgerên jinan û tevgerên rizgariyê de navdar e.
Sakine Cansiz yek ji damezrinerên partiya PKK bû. Ew bû pêşeng û tevahî paşverûtiyên civakî red kir.
9’ê Çileya 2013`an de li Parisê, 3 jinên şoreşger ên kurd Sakîne Cansiz, Fîdan Dogan û Leyla Şaylamaz bi destê dewleta Tirk hatin şehîd xistin.
Sekîna Cansiz bi têkoşîn û berxwedana xwe bû vejîna dîroka Dersim, Kurdistan, Rojhilata Navîn û bakurê Afrîkayê.
Nagîhan Akarsel ji bo pêşxistina jinan gelek hewildan û xebat kir
Endama Akademiya Jineojiyê Nagîhan Akarsel ji bopêşxistina jinan gelek hewldan û xebat kir.
Nagîhan ew jina ku prensîbên azadiya jinê di fikir û jiyana xwe de pêkanîbû.
Nagîhan 4’ê Cotmehê di encama êrişkeke çekdarî li pêşiya mala xwe li Silêmaniyê şehîd bû.
Ew heta şehîd bû dirûşma ‘Jin, Jiyan, Azadî’ kiribû bingeha têkoşîna xwe.
Kuştina Jîna Emînî bû hêrs û çirûskek ji bo şoreşa jinan
Roja 16’ê Îlonê jina ciwan a Kurd Jîna Emînî li Tehranê ji aliyê ‘Polîsên exlaq’ yên Îranê ve hate kuştin.
Ji destpêka belvabûna nûçeya kuştina Jîna Emînî jinan ji Tehranê ta Kurdistanê nerazîbûn nîşandan û pêşengtî ji xwepêşandan û nerazîbûnan re kirin.
Jinan bi dirûşma ‘Jin jiyan azadî’ mohra xwe li xwepêşandanan dane.
Ev dirûşme berhema ked û têkoşîna 45 salan a tevgera rizgarîxwaz a gelê Kurd ya dibin rêbertiya Rêber Abdullah Ocalan de ye.
