Tevî nerazîbûnan, YE cezayên îthalata petrola xam a ji Rûsyayê bi rêya deryê tê şandin xist meryetê.
Ev jî tê wateya ku Rûsya rojane 210 mîlyon dolar qezencî ji dest bide.
Serokomarê Ukrayna yê vê gavê kêm dibîne dibêje, ev yek wê bandoreke zêde li Rûsya neke.
Biryara rawestandina îthalata nefta xam û berhemên petrolê yên ji Rûsyayê, ku serokên welatên Yekîtiya Ewropayê (YE) di meha Hezîranê de li ser li hev kiribûn, wê ji îro pê ve derbasdar be.
Nefta ku bi rêya deryayê tê îthalkirin ji ji sêyan duyê petrola Rûsya dişîne derve pêk tê.
Li gorî agahiyên ku rayedarên YE’yê dane, bi ambargoyê re wê rê li ber îthalata YE’yê bi qasî 3 mîlyon varîl petrol xam bê girtin.
Rûsya rojane 210 mîlyon dolar qezenc ji dest da
Ji bo Rûsyayê, ev tê wateya rojane 210 mîlyon dolar qezencê jidest bide.
Sedemê sereke yê cezayê jî êrişa Rûsya ya li dijî Ukrayna dayî despêkirin tê nîşandan.
Li gorî rêziknameya YE wê tenê di rewşên pir neçarî de, petrolê ji Rûsya bikirin.
Almanyaya ku bi rêya boriyan petrolê ji Rûsyayê îthal dike, tê çaverêkirin ku heta dawiya salê îthalata petrolê ya ji Rûsyayê bi temamî rawestîne.
Heta dawiya sala 2022, Almanya wê ji efûya ku ji bo welatên ji ber cihê xwe yê erdnîgarî pir girêdayî nefta Rûsyayê ne û nikaribin bi lez kêmasiya enerjiyê biguherînin, sûd werbigire.
Macarîstan, Çekya û Slovakya dixwazin bê sînor ji îstîfayê sûd werbigirin.
Bulgaristana ku parzûngehên wê tenê ji bo hilberîna nefta xam a Rûsyayê hatine çêkirin, wê heta dawiya sala 2024’an bikare nefta xam û hilberên neftê bi rêya deryayê ji Rûsyayê bikire.
YE wê ji 5’ê Sibatê pê ve anîna berhemên petrolê yên ji Rûsyayê bi dawî bike.
Zelensky: Ev biryar wê zêde bandor li Rûsya neke
Serokomarê Ukrayna Volodymyr Zelensky jî bi rêya vîdeoyekê li ser mijarê axivî.
Zelensky diyar kir ku ev ceza wê nekare bandoreke zêde li ser Rûsya bike.
Her wiha wê ji bo petrola xam ya ji Rûsya tê kirin jî nirxê wê neyê zêdekirin.
Ji bo her varêlek petrolê wê 60 dolar were dayîn.
Welatên G7 jî dibêjin, ev yek di çarçoveya Rûsya nekare bi rêya petrolê qezencê bidest bixe pê hatiye.
Berdevkê Kremlînê Dmitriy Peskov jî diyar kir ku Moskow ji vê gavê re amade ye û wê petrola xwe bi vî buhayî nefiroşe.
