Şerê li Ukrayna êdî diyare ku wê xwe li salê bide.
Serokê Rûsya Putin hişyariya wê yekê da ku wê şerê li Ukrayna dirêj bike.
Serokwezîrê Alman Scholz jî dibêje, di şerê li Ukrayna de metirsiya bikaranîna çekên nukleerî kêm bûye.
Şerê hefteyek, deh rojî niha di meha xwe ya dehan de ye.
Li Ukrayna xeyalên ku wê şer di nava demeke kin de bi dawî bibe, ji holê radibe.
Êdî Serokê Rûsya Vladimir Putin jî vê rastiyê tîne ziman.
Vladimir Putin bi gotina, “Bê guman ev pêvajoyeke demdirêj e” temenê şerê li Ukrayna xwest rawa bike.
Putin bi girêdana 4 herêmên Ukrayna ya ser xaka welat pesnê serkeftina xwe ya li ser erdê da û wiha got:
“Axên nû derketine holê, ev hîn jî ji bo Rûsyayê encameke pir girîng e û ev mijareke pir cidî ye.”
Rûsyayê di meha Îlonê de bi referandûmeke li herêmên Donetsk, Luhansk, Xerson û Zaparorijya yên Ukraynayê pêk anî ev herêm bi xaka Rûsyayê ve girê da.
Serokê Rûsya her wiha destnîşan kir ku metirsiya nukleerî her ku diçe zêde dibe, lê ew ê nebin yên yekem ku wê bikar bînin.
Putin di axaftina xwe ya li civîna Konseya Mafên Mirovan a Rûsyayê ya ku weşana zindî hat lidarxistin de destnîşan kir stratejiya Moskowayê polîtîkaya tolhildanê ye.
Axaftina Putin yekser piştî serdana Serokomarê Ukraynayê Vlolodymyr Zelensky bo Kurakovo ya li herêma Donetsk hat.
Vlolodymyr Zelensky ragihand ku di encama êrîşên Rûsyayê yên li ser bajêr de herî kêm 6 sivîl hatine kuştin û 5 jî birîndar bûne.
Zelensky her wiha îşaret bi wê yekê jî kir ku di dema bombardûmanê de cîhê sûk, otogar û apartmanan hatine armanckirin.
Serokomarê Ukrayna ev êriş bi gotina, “Terorîstan êrîşî Kuraxoveya aram kirin” weşand.
Scholz: Metirsiya karanîna çekên nukleerî kêm bû
Serokwezîrê Almanyayê Olaf Scholz diyar kir ku di Şerê Ukraynayê de metirsiya bikaranîna çekên nukleerî kêm bûye.
Scholz di hevpeyvîna xwe ya li gel Funke Media Group û rojnameyên Ouest-France yên Fransî de got,
“Rûsya dev ji gefa bikaranîna çekên nukleer berda.
Ev bertek e li hemberî xeta sor a ku civaka navneteweyî xêz kiriye.”
Scholz anî ziman ku piştî Amerîka ew welatê herî zêde piştevaniya leşkerî bû Ukrayna dikin e.
Putin: Em çeka nukleerî weke amûreke parastinê dibînin
Serokê Rûsyayê Vladimir Putin di daxuyaniya xwe ya roja Çarşemê de diyar kiribû ku tenê dema êrîş li dijî wan were kirin ew ê çekên nukleerî bikar bînin û gotibû:
“Em çekên komkujî û nukleerî wek amûreke parastinê dibînin.”
