Bi hatina demsala zivistanê re, şerê li Ukrayna ji bejahî derbasî hewayî bû.
Êdî Rûsya bi rêya çekên giran û balafiran hewil dide daxwazên xwe yên li Ukrayna pêk bîne.
Îngilistanê ragihand ku Rûsya bi dronên Îranê êrişî Ukrayna dike.
Ev yek jî tê wateya ku di depoyên Rûsyayê de dron kêm bûne û ji Îranê yên nû standi ye.
Piştî çend hefteyan ji navberê, Rûsyayê di êrîşên xwe yên li ser Ukraynayê de balafirên bêmirov ên Îranê bi kar aniye.
Wezareta Parastinê ya Îngilîstanê ku xwediyê vê îdiayê ye, li ser mijarê daxuyaniyek da.
Wezaretê diyarkir ku ger raporên van îdiayên wan piştrast bikin wê bêne nîşandan ku Rûsyayê dîsa ji Îranê balafirên bêmirov kirîne.
Li gorî Wezareta Parastinê, ev tê wê wateyê ku îhtîmal e Rûsyayê stokên xwe yên heyî yên bi sedan balafirên bêpîlot ên yên xwe, bikar aniye.
Di daxuyaniya xwe de, wezaretê behsa raporên fermî yên Ukraynayê kir.
6’ê Kanûnê Serfermandariya Ukraynayê ragihand ku 17 balafirên bêmirov hatine xistin ku 14 ji wan yên binavê Şehîd-136 bûn.
7’ê Kanûnê rayedarên Ukraynayê diyar kiribûn ku balafirên bê mirov ên bi eslê xwe Îranî ne di êrîşên li ser herêmên Zaporojiya û Dnipro yên Ukraynayê de hatine bikaranîn.
17’ê Mijdarê jî balafireke din bêmirov ya biheman navî hatibû xistin.
Di daxuyaniya Londonê de hat ragihandin ku dibe Rûsyayê êrîşên dawî bi balafirên bêmirov ên kamikaze yên ku nû hatine teslîmkirin pêk bîne.
Wezareta Parastinê ya Brîtanyayê her roj îstîxbarata li ser pêvajoya şer ji dema êrişa Rûsyayê ser Ukraynayê diweşîne.
Îran îdiayên dironên şer dide Rûsya red dike
Moskow London bi meşandina kampanyaya nerastiyê dewambar dike.
Rêveberiya Îran jî îdiayên derbarê xwe de red dike.
Guterres: Em li ser rewşê dinirxînin
Sekreterê Giştî yê Neteweyên Yekbûyî (NY) Antonio Guterres roja Çarşemê got;
Em “agahiyên berdest” li ser îdiayên ku Îran dronên şer dide Rûsyayê dinirxînin.
Guterres di bin zexta welatên rojavayî de ye ku pisporan bişîne wî welatî da ku li çavkaniya dronên ku li Ukraynayê hatine xistin lêkolîn bikin.
