Careke din di şerê li Ukrayna de navê koma Wagner a Rûsî derketiye pêş.
Ev koma ku weke çekdarên kirêkirî tê naskirin, di şerê li Ukrayna de tên bikaranîn.
Koşka Spî ragihand ku Koreya Bakur ji bo şerê li Ukraynayê çekan dide koma Wagner.
Dewletên Yekbûyî yên Amerîkayê (DYA) ragihand ku Koreya Bakur ji bo li Ukraynayê bi kar bîne, çek daye şîrketa Wagner a Rûsyayê.
Berdevkê Konseya Ewlekariya Netewî ya Koşka Spî John Kirby ragihand ku Koreya Bakur “yekem çeka ku top û rokêt jî di nav de ye, radestî şîrketa Wagner a Rûsyayê kiriye.”
Li ser agahiyên çavkaniyên îstixbarata Amerîkî, John Kirby di daxuyaniyekê de ji çapemeniyê re agahî parve kir ku yekem radestkirina çekan meha borî pêk hatiye.
Kirby got:
“Em nafikirin çekên ku ji koma Wagner re hatine şandin wê encama şerê li Ukraynayê biguherîne.
Lê em bi fikarin ku Koreya Bakur bêtir çekan bide.”
Rayedarê Koşka Spî firotina çekan a Koreya Bakur bû Rûsyayê weke binpêkirina biryara cezayên Neteweyên Yekbûyî ya li ser Pyongyangê binav kir.
John Kirby bal kişand ser wê yekê ku koma Wagner di şerê li herêma Donbasê, bi taybetî li rojhilatê Ukraynayê de çalaktir e.
Kirby nêrîna xwe anî ziman ku rayedarên leşkerî yên Rûsyayê di hin rewşan de “di bin fermana Wagner de dixebitin”.
Çavkaniyên rojavayî di wê baweriyê de ne ku Koreya Bakur di berdêla veguhestina enerjî û teknolojiyê de çek firotiye Rûsyayê.
Di vê navberê de, Koreya Bakur sûcdariya şandina çekan ji Rûsyayê re red kir û weke îdîayek “bêbingeh” ragihand.
Amerîka: 50 Hezar çekdarên koma Wagner hene
Kirby diyar kir ku yekîneyeke Wagner ji 50 hezar kesî pêk tê.
Li gorî daneyên Amerîka, 10 hezar ji wan çete û 40 hezar jî girtiyên berê yên ji girtîgehan hatine komkirin in.
Li gorî texmînên Dewletên Yekbûyî yên Amerîkayê (DYA), xwediyê Wagner Yevgeny Prigozhin û bi nêzîkbûna xwe ya bi Serokê Rûsyayê Vladimir Putin tê naskirin.
Mehane nêzî 100 mîlyon dolar ji bo şerê li Ukraynayê xerc kiriye.
Şîrketa kirêgirtî ya Wagner ku Amerîka û YE cezayên li ser wê sepandine, bi pêkanîna çalakiyên leşkerî li Afrîka û Rojhilata Navîn, bi taybetî li Lîbya û Malî tê tawanbarkirin.
