Serokomarê Ukrayna Zelensky got:
Ew xwe ji sala bê re amade dikin.
NY jî ragihand ku ji despêk aşer heta niha nêzî 7 hezar sivîlan jiyana xwe ji dest dane.
Rêveberiya Kîevê bi dirêjbûna şerê li welat re baweriya xwe ya serketinê diparêze.
Piştevaniya ji derve û israra parastinê, heta niha kariye Moskowê ji daxwazên wê yên li ser xaka welat dur bihêle.
Lê ya diyar, sala nû wê bi êrişên dijwar despê bike.
Piştî îdiayên wê Rûsya despêka sala 2023’an êrişeke nû ya berfihre bide despêkirin, Ukrayna hêza xwe komî serhev dike.
Serokomarê Ukraynayê Volodymyr Zelensky diyar kir ku ew amadekariya artêşê ji bo sala bê didomînin.
Zelensky bi peyameke vîdyoyî ya ku bi şev li ser hesabê xwe yê Telegramê parve kir, xîtabî gel kir û li ser şerê dewam ê li dijî Rûsyayê nirxandinan kir.
Volodymyr Zelensky daxuyakirin ku ew bi nûnerên hêzên parastin û ewlehiyê re civiyan û rewşa dawî ya eniyê gotûbêj kirin.
Zelensky diyar kir ku wan li ser amadekariyên artêşê yên sala bê axivîn û wiha got:
“Em ji bo sala bê amadekariya hêzên parastin û ewlehiyê yên Ukraynayê didomînin.
Divê ev sal bibe saleke diyarker.”
Serokomarê Ukraynayê bal kişand ser wê yekê ku divê artêşa Ukraynayê ji hemû demsalan re amade be û ev tişt anî ziman:
“Em dizanin di zivistanê de çi metirsî hene, di biharê de divê em çi bikin û ji ber vê yekê divê tevahiya beşên parastin û ewlehiyê çi bikin.”
NY: Heta niha 6884 sivîlan jiyana xwe ji dest dane
Komîseriya Bilind a Mafên Mirovan a Neteweyên Yekbûyî (OHCHR) jî ragihand ku ji despêka roja êrişan û heta 26’ê Kanûnê 6 hezar û 884 sivîlan jiyana xwe ji dest dane.
Ji wan 429 zarok in.
Di rapora ku ji aliyê komseriyê ve hatî weşandin de jimara kuştî û birîndarên di şerê bêtirî 10 meh in dewam dike, hatin parvekirin.
Di raporê de hat ragihandin ku di şer de 2 hezar û 719 mêr, hezar û 832 jin, 429 zarok û 1904 jî mezinên ku zayenda wan nehate tespîtkirinin.
Her wiha 10 hezar û 947 kes jî birîndar bûne.
Komseriyê eşkere kir ku piraniya qurbaniyan ji ber çekên teqemeniyê pêk hatine.
