Artêşa Rûsya bi bêtirî 100 moşk avêtin bajarên Ukrayna kir.
Serokomarê Ukrayna Zelensky ragihand ku ji despêka şer û heta niha wan bêtirî 1800 wargeh ji bin kontrola Rûsya derxistin e.
Ukrayniya bi dengê moşekan dest bi roja xwe ya nû kirin.
Rûsya saetên siharê bi moşekan êrişî Ukrayna kir.
Şêwirmendê Serokomariya Ukraynayê Oleksîy Arestovîç ragihand ku Rûsyayê sibeha Pêncşemê êrîşeke esmanî ya mezin li dijî welatê wî pêk aniye.
Arestovîç li ser hesabê xwe yê Twitterê daxuyaniyek da û got,
“Îro danê sibê ji aliyê Rûsyayê ve êrîşeke hewayî ya mezin li ser axa Ukraynayê pêk hat.
Bêtirî 100 mûşek di navberên asayî de hatin avêtin.”
Êrişî Kîev, Odessa û Zhytomyr hate kirin
Reutersê bal kişand ku dengê teqînan ji bajarên Kîev, Odesa û Zhytomyr hatin bihîstin.
Reutersê ragihand ku ji bo kêmkirina zirara binesaziya enerjiyê li hin herêman elektrîk hatine qutkirin.
Êrîşa asmanî ya mezin a Rûsyayê piştî wê yekê hat ku duh Moskowê ragihandibû ew plana aştiyê ya Kîevê qebûl nakin.
Rûsyayê gef li Ukraynayê xwar ku heta her çar herêmên kontrol kirine weke xaka wan neyê dîtin wê niqaşa plana aştiyê nekin.
Di dema ku Rûsya îdia dike êrîşên wê yên asmanî ne li dijî armancên sivîl in, Ukrayna dibêje ku van êrîşan bajar û binesaziya wê wêran kirine.
Artêşa Ukrayna herî dawî bajarê Xersonê ji bin kontrola Rûsya derxist.
Zelensky: Bêtirî 1800 wargeh ji bin kotrola Rûsya hatine derxistin
Serokê Ukraynayê Volodymyr Zelensky duh di axaftina xwe ya li Meclisê de ragihandibû ku wan bêtirî 1800 cihên ku ji aliyê hêzên Rûsyayê ve hatibûn girtin, ji nûve kontrol kirine.
Volodymyr Zelensky diyar kir ku Rûsya bi destpêkirina şerê li Ukraynayê re ne tenê welatê xwe, gefê li welatên rojavayî jî dixwe û wiha got:
“Li Rojava êdî tu kes ji Rûsyayê natirse û wê natirse.”
Zelensky diyar kir ku welatên Yekîtiya Ewropayê îro li dijî Rûsyayê piştgiriya çekan didin Ukraynayê û ev tişt anî ziman.
“Di dîrokê de cara yekem e Yekîtiya Ewropayê li hemberî êrîşên wiha mezin alîkariya parastinê dike.”
Serokê Ukraynayê diyar kir ku di encama pevguhertina girtiyan de, heta niha 1456 eskeren Ukrayna hatin berdan.
