Li Kanada trajediya gorên komî yên zarokên xwecihî bidawî nabe.
Li Kanada di encama lêgerîna li baxçeyên dibistanên dêrê de, 66 tesbîtên nû yên ku wek goran in hatin dîtin.
Kanada bi dîroka xwe ya tarî re rûbirû ye.
Di çavçoveya lêgerîna gorên bêkesan de, herêma Central British Columbia 66 nîşaneyên din ên gorên zarokan hatin dîtin.
Lêkolîner Whitney Spearing, di civîna çapemeniyê de got;
Me paşmahîyên tawanên li dijî zarokan li devera Mîsyona Joseph dîtin.
Spearing diyar kir ku li baxçeyê dibistana Katolîk, ji bilî encamên lêkolînê, hevdîtinên ku bi kesên rizgar bûne re û qeydên arşîvê de derketiye holê ku zarokên ku destdirêjî li wan hatine kirin û zarokên wan çêbûne li dibistanê û derveyî dibistanê hatine şewitandin.
Şefê qebîleya First Nation a xwecihiyên herêmî Willie Sellers diyar kir ku wê erkê wan niha rakirina 159 gorên hatine diyarkirin be.
18’ê Çileyê li bajarê Ontario yê Kanadayê li cihê konseya kevnar 171 cihên nû yên ku weke gor dihatin dîtin.
Hat diyarkirin ku dibe ku ev gorên zarokên li dibistanê dimînin bin.
Li Kanada di sedsala 19’an de qirkirina gelên xwecî
Dibistanên dêrê yên razanê wekî parçeyekî asîmîlekirina zarokan û polîtîkaya qirkirina çand û zimanên gelên xwecihî tê dîtin.
Ev dibistanên dêrê yên di salên 1840’î de hatibûn vekirin û di sala 1997’an de hatibûn girtin.
Li van dibistanan nêzî 150 hezar zarok ji malbatên xwe hatibûn veqetandin û li vir zarok ji çand û zimanê xwe hatibûn dûrxistin, li ser wan tacîza zayendî û fîzîkî hatibû kirin.
Di sala 2008’an de ji bo lêkolîna vê trajedî û qirkirinê, komîsyonek hate avakirin.
Komîsyonê raporeke 4 hezar rûpel amade kiribû û ev tiştên pêk hatine wekî qirkirina çandî pênase kiribû.
Di rapora komîsyonê de nêzî 6 hezar zarok hatine kuştin.
Herî dawî Komek gelên xwecihî yên Kanadayê 2021’an doz vekiribûn û diyar kiribû hikumetê li dibistanên razanê qirkirina çandî kiriye.
Kanadayê ev sûc qebûl kir û wê 2,8 mîlyar dolar tazmînatê bide.
