Xelkên Siwêdayê daketin qadan û banga pêkanîna biryara navneteweyî 2254 kirin.
Balafirên nanas li Dêrazorê 3 caran êrişî çekdarên Îranê kirin, di encamê de 11 kesên alîgirên Îranê hatin kuştin.
Çalakiyên xelkên bajarê Siwêdayê yên her roja duşemê li dijî hikumeta Şamê îro jî hebûn.
Çavdêriya Mafên Mirovan a Sûriyê ragihand ku di hefteya 8’emîn de bi dehan ji pêkhateyên Siwêdayê li qada El Kerama çalakiyeke bêdeng bi dirûşma “Êdî bes e” li dar xist.
Çalakvanan diyar kirin ku ew ê tevgerên xwe yên aştiyane yên li dijî hikumetê bidomînin heta ku guhertineke siyasî pêk were.
Her wiha banga hat kirin ku girtî serbest bên berdan û biryara NY 2254 ya derbarê Sûriyê de bi cih were
Li gorî malpera Siwêda 24, tevlêbûna jinan a çalakiya îro balkêş bû û dirûşmên “Jin, Jiyan, Azadî” hatin berzkirin.
Hêzên hikûmeta Şamê jî riya çûn û hatinê ya qada El-Kerama girt da ku aloziyek tirafîkê derkeve û çalakî ji hev belav bibe.
Hêzên hikûmeta Şamê gundê Idlib û Hemayê topbaran kirin
Li aliyê din, di eniyên di navbera komên çete yên dewleta Tirk û hêzên Hikumetê de jî topbarankirin hebû..
Li gorî Çavdêriya mafên mirovan, hêzên Hikûmeta Şamê bi çekên giran gundê El-Fetîra, Filêfil û Sifûhan ên li başûrê Idlibê topbaran kirin.
Li aliyê Hemayê jî hêzên hikûmetê bi dijwarî gundê El-Sirmaniye yê li bakurê rojavayê bajar topbaran kir.
Her wiha hêzên Hikûmetê û çeteyên Heyet Tehrîr El-Şam li gundewarê rojavayî Helebê bi çekên giran bargehên hev topbaran kirin.
Di encama êrişê de, leşkerekî hikûmeta Şamê û çeteyek hatin kuştin.
Li Dêrazorê di êrişên bi deronan de 11 kesên alîgirên Îranê hatin kuştin
Şevê din jî balafirên bêmirov ên nenas li herêma El-Herî ya Bûkemala Dêrazorê, karwanek alîgirên Îranê bombebaran kirin.
Di encamê de 7 kes hatin kuştin.
Vê sibê jî berpirsek ji çekdarên ser bi Îranê ve li cihê buyera duh ku rewş dişopand, ji aliyê balafiran ve hete hedefgirtin.
Di encamê de tevî wî berpirsî, 3 çekdarên din hatin kuştin.
Di seatên nîvro jî balafiran li bajarokê El-Siwêîye ya li gundewarê bajarê Bûkemalê erebeyeke çekdarên Îranê bombebaran kir.
Di encamê de kesek hate kuştin.
Bi giştî di encama her 3’ê êrişan de ji duh heta îro, 11 çekdar û kesên ser bi Îranê ve ku ne ji nasnameya Sûrî ne hatin kuştin.
