Ji ber bêberpirsiyartiya hikumeta Erdogan, li bakurê Kurdistanê her saeta ku diçe bilançoya miriyan zêdetir dibe.
Tevî ku du roj di ser erdhejê re derbas bûne, hîn jî dewletê xwe negihandiye gelek herêman û kesên di bin kavilan de ne.
Li gorî daneyên dawî hejmara kesên jiyana xwe ji dest dane derket 9 hezar 57 kesan, 52 hezar 979 kes jî birîndar in.
Li navçeya Bazarcixa Mereşê ku navenda erdhejê ye, cara ewil bi pileya 7.7 û cara duyemîn jî bi pileya 7.6 hejiya
Mereş jî di nav de erdhejê bandora xwe li ser 10 bajaran kir.
Ji ber bêberpirsiyartiya hikumeta Erdogan, her saeta ku diçe bilançoya miriyan zêdetir dibe.
Heta niha 9 hezar û 57 kesan jiyana xwe ji dest dane, 52 hezar û 979 kes jî birîndar in
Hejmara kesên jiyana xwe ji dest dane derket 9 hezar 57 kesan, 52 hezar 979 kes jî birîndar in
Tevî ku 48 saet di ser erdhejê re derbas bûne, hîn jî dewletê xwe negihandiye gelek herêman û enqazan.
Gelek kesên ku heviya xilasiya wan hene ji ber sermaya hişk jiyana xwe dast didin.
Gel hewl dide bi derfetên xwe mirovên di binê xirbeyan de mane rizgar bike.
Mexdurên erdhejê jî di bin sir û seqema zivistanê de li kolanan li dijî mirinê li ber xwe didin.
Li Skenderûna hatayê cih li morgên nexweşxaneyê nemaye
Li bajarê Hatayê û gelek navçeyên wê, bi sedan avahî hilweşiyane.
Li Skenderûnê ji ber ku cih li morgên 2 nexweşxaneyan nema ye, cenazeyên ji binê xirbeyan têne derxistin bi saetan di hundirê wesayita veguhastina cenaze de têne hiştin.
Xelkê herêmê ya li binê konên ku bi derfetên xwe vedane, yan jî li qadeke vala li dora êgir şeva xwe derbas dike.
Li Semsûrê karê lêgerîn û rizgarkirinê hîna destpê nekiriye
Li Semsûrê jî karê lêgerîn û rizgarkirinê hînê destpê nekiriye û rewş her diçe girantir dibe.
Şêniyên taxan bi derfetên xwe bi kepçeyan hewl didin xwe bigihînin mirovên di binê xirbeyan de mane.
Tîmên AFAD’ê şeva Sêşemê gihîştin bajêr û hîn li gelek avahiyên hilweşiyayî dest bi kar nekiriye.
Xelkê Semsûrê bi armanca ku rayedar xebatên lêgerîn û rizgarkirinê nakin, ber bi Walîtiya Semsûrê ve meşiyan.
Rayedar di bin parastina polîsan de ji avahiya walîtiyê hatin derxistin.
Li navenda erdhejê Mereşê gelek kes hîn di binê xirbeyan de ne
Li Mereşê jî ku 941 avahî bi temamî hilweşiyan, rewş ne cuda ye.
Li Bazarcixê ku navenda erdhejê bû, gelek kes hîn ê di binê xirbeyan de ne ûlê karên Lgerînê dewam dikin.
Li Amedê hejmara miriyan gihişt 132’an û 909 kes jî birîndar in
Li Amedê jî ku ji ber erd-hejên Mereşê 7 avahî hilweşiyan, hejmara kesên mirî gihîşt 132’yan û ya birîndaran jî gihîşt 909’an.
Hê jî xeber ji gelek kesan nayê girtin.
Walîtiya Amedê û rayedarên AFAD’ê hem daneyan belav nakin hem jî daxuyaniyê nadin.
Li Dîlokê herî kêm 200 kesî jiyana xwe ji dest dan
Li Dîlokê jî, gel ji bo xwe bigihîne xizmên xwe bi şev li ber enqaz man.
Li Dîlokê 533 avahî hilweşiyan û hate eşkerekirin ku herî kêm 200 kesî jiyana xwe ji dest dan.
Tîmên alikariyê û rizgarinkirinê li vir jî têrker nîne û gel bi hers e
Xelkên Rihayê li dijî rayêdarên dewleta Tirk bertek nîşan dan
Hejmara qurbaniyan ên li bajarê Rihayê jî gihîşt 95’an û 195 jî birîndar bûne.
Xelkên Rihayê jî bi derfetên xwe hewl didin xizmên xwe ên di bin xirbeyan de derbixîn.
Li dijî rayedarên dewletê welatiyên Rihayê bertek nîşandan û diyar kirin şaredarî tu alîkariyê nade wan.
