Li bakur û rojavayê Sûriyê jî ji ber bandora erdhejê wêraniyek zêde pêk hatiye.
Ji bo alîkarî derbasî herêmên bakurê Sûriyê were kirin, 2 deriyên din yên sînor tên vekirin.
Bandora erdheja li bakurê Kurdistanê bi awayekî xurt li ser Sûriyê kiriye.
Li bakurê Sûriyê heta niha bêtirî 3 hezar û 600 kesî jiyana xwe ji dest dane û kerî kêm 4 hezar û 500 jî birîndar bûne.
Ji ber rewşa li herêmê pêwistiya alîkariyê ji her demê zêdetir bûye.
Civaka navneteweyî daxwaz ji Tirkiyê dike ku zêdetir deriyên sînorî veke.
Wezîrê Karê Derve yê Tirkiyê Mevlut Çavuşoglu jî duh êvarê di daxuyaniya xwe de diyar kir ku ji bo piştgiriyê bidin Sûriyê dixebitin.
Çavuşoglu îdia kir ku ew ji bo vekirina 2 deriyên din dixebitin.
Ji bo gihiştina alîkariya li herêmê careke din di navbera Tirkiye û hikumeta Şamê de nelihevkirin heye.
Almanya: Pêwistî Bakurê Sûrî bi alîkariyek zêdetir heye
Wezîra Derve ya Almanyayê Annalena Baerbock diyar kir ku ew li ser vekirina deriyên sînor dixebitin da ku alîkarî bigihêjin Sûriyê.
Baerbock got;
Hin dergeh vekirî ne, lê ew bi rayedarên Tirk re di têkiliyê de ne da ku deriyên din vekin.
Baerbock bal kişand ser wê yekê ku hukûmeta Almanî bi vê “rejîmê” re hevkarî nekir, got,
“Ji ber vê yekê, me neçar ma ku rêyên din ên ku me berê bikar aniye, bi riya Neteweyên Yekbûyî jî bi kar bînin, û niha em her derfetê bikar tînin.
Piştrast bike ku alîkarî bigihêje xelkê li ser erdê.”
NY bang dike ku destwerdana siaysî neyê kirin
Nûnerê Taybet ê Sûriyeyê yê Neteweyên Yekbûyî (NY) Geir Pedersen di daxuyaniya xwe ya îro de got:
Piştî erdheja li Mereşê, pêdiviya Sûriyê bi “ji her tiştî zêdetir” heye.
Pedersen li Cenevê ji rojnamevanan re got,
“Em piştrast bûn ku em ê îro karibin alîkariyên yekem bi rêya deriyê sînorî yê Bab el-Hawa werbigirin.”
Pedersen daxwaz kir ku ti astengiyên siyasî li pêşiya gihandina alîkariyan bo cihê ku herî zêde hewcedar in, neyê derxistin.
