7 roj li ser erdheja li Sûriyê re derbas dibe. Her ku dem diçe jî pîlaçûya erdhejê girantir dibe. Çavdêriya Sûrî ragihand ku heta niha li Sûriyê 5 hezar û 329 kesî jiyana xwe ji dest dan.
Li bajarên Laziqiyê, Tertûs, Hema, Heleb û herêmên dagirkirî zirarên mezin çêbûn.
Bi sedan xanî û avahiyên pirqatî bi ser xwediyên wê ve hilweşiyan.
Erdheja ku li Sûriyê rû da, axîn û nalnala gelên Sûriyê zêdetir kir.
Ev heftiyek li ser erdhejê derbas dibe û di her kêlîyekê de, hejmara qurbanî û birîndaran zêde dibe..
SOHR: Di erheja li Sûrî zêdetirî 5 hezar û 300 kesî jiyana xwe ji dest da
Çavdêriya Mafên Mirovan a Sûriyê SOHR ragihand ku di erdjeha li Sûriyê heta niha 5 hezar û 329 kesî jiyana xwe ji dest dane.
Çavdêriyê da zanîn ku ji wan 2 hezar û 68 kes ji herêmên hikûmetê û 3 hezar û 261 kes ji herêmên dagirkirî ne.
Çavdêriya Sûrî diyar kir ku ji bilî vê daneyê, zêdetirî hezar û 200 kesên sûrî di erdheja li Bakurê Kurdistanê de jiyana xwe ji dest dan.
Li gorî çavdêriyê, dibe hejarma qurbaniya bighêje 7 hezar î.
Bi hezaran şêniyên herêmên hilweşiyayî ji ber ku bêmal man li baxçe û kolanin di vê sermê de dimînin.
Hikûmeta Şamê jî ji roja erdhejê ve alîkariyê ji dewletên biyanî û erebî ji bo mexdûrên erdhejê werdigire.
Hikûmetê Şamê ji devêla ku van alîkariyan li mexdûran belav bike, di riya alîgirên xwe re li bazaran difroşe.
Li herêmên di bin dagirkeriya dewleta Tirk û çeteyên wê de jî ji ber erdhejê malwêraniyeke mezin li derdorê ye..
Li Efrîn, Cindêris, Idlib û Babê bi sedan avahî rûxiyan e.
Li van herêman ji ber kêmbûna karînên bijîşkî û tîmên rêzgarkirinê, hejmara qurbaniyan zêde dibe.
Rêveberiya Xweser a Bakur û Rojhilatê Sûriyê 2 karwarên alîkariyê ji hemû pêdiviyên pêwîst ji bo mexdûriyên Erdhejê hazir kir da bişîne, lê ji aliyê dewleta Tirk û çeteyan ve di rojên destpêkê de hat astenkirin.
Alîkariyên ji bo herêmên di bin desthilata hikumeta Şamê jî hatin şandin, bac hat ferzkirin.
