Serokomarê Ukrayna Zelensky got:
Ji bo êrişa wan a li dijî Rûsya bidin despêkirin, hewil didin çekên pêwist bigihînin artêşê.
Amerîka jî îdia dike ku Rûsya di warê, stratejîk û taktîkî de têk çûye.
Li Ewropa şerê ku nêzî salekê ye dewam dike.
Saleke dengê şer ji nava Ukrayna kêm nebûye.
Stratejiyên şer, êrişên bejahî û asmanî.
Ji 24’ê Sibata 2022’an ve rewşa li welat wiha ye.
Artêşa Rûsya li pey pêkanîna xeyalên Serokê welat Vladimir Putin in.
Ukraynî jî bo parastina xaka welat seferber bûne.
Serokê Ukraynayê Volodymyr Zelensky diyar kir ku ew hewl didin ji bo êrîşa ku li dijî artêşa Rûsyayê amade dikin çekên zêdetir û bibandor bigihînin artêş ê.
Volodymyr Zelensky di peyama xwe ya vîdyoyê de ku şeva borî hat weşandin, Civîna Koma Têkiliya Parastinê ya Ukraynayê ku di bin serokatiya DYA de li Brukselê hat lidarxistin nirxand.
Zelensky diyar kir ku di civînê de ji bo Ukraynayê hin biryarên girîng hatin girtin û wiha got:
“Ev civîna nehemîn a bi vî rengî ye.
Ji bo parastina dewleta me, xurtkirina leşkerên me biryareke din a xurt hat dayîn.
Zêdetir pergalên parastina hewayî ji hêla hevkaran ve hatin pejirandin.”
Serokomarê Ukrayna daxuyakirin ku ew di çarçoveya parastina xaka welat de xwe amade dikin ku êrişeke dijwar û tund li dijî Rûsya bidin despêkirin û ev tişt anî ziman:
“Em bi hemû hêza xwe hewl didin ku ji bo êrîşan zêdetir çek, çekên dûr û dirêj û hêza zêdetir bidin leşkerên xwe.”
Amerîka: Rûsya di warê stratejîk û taktîkî de têk çû
Di civîna Wezîrên Parastinê ya welatên NATO yê de, careke din rojev Ukrayna bû.
Piştî civîna Koma Têkiliya Parastinê ya Ukraynayê ya 9’emîn Wezîrê Parastinê yê Amerîka Lloyd Austin û Serfermandarê Amerîkayê General Mark Milley civîneke çapemeniyê ya hevpar li dar xistin.
Austin di daxuyaniya xwe de diyar kir ku tişta Ukrayna dixwaze di zûtirîn dem de bike ew e ku di qada şer de şert û mercên di berjewendiya xwe de biafirîne.
Ji aliyê din ve Milley anî ziman ku Rûsya “ji aliyê stratejîk, operasyon û taktîkî ve winda kir”.
Milley got;
“Serokê Rûsyayê Vladimir Putin difikire ku ew dikare zû Ukraynayê têk bibe, hevalbendiya NATOyê hilweşîne û kiryarên wî wê bêceza bimînin.”
Fermandarê Amerîkî anî ziman ku heta Putin ji bijarteya xwe ya şer paşde venekişe wê civînên bo piştevaniya Ukrayna dewam bikin.
