Navenda Koordînasyona Krîzê ya HDP’ê a li navçeya Bazarcix a Mereşê ku ji bo piştgiriya gel hatibû avakirin doh dewleta Tirk qeyûm danî ser. Berpirsiyarê navenda alikariyê Koray Turkay ku qeyûm tayinî şûna wî hat kirin, derbarê mijarêde axivî û got: “Em pêdiviya mexdûrên erdhejê ên bi alîkariyê heye li vir bûn, lê dewletê îro ev piştevanî da sekinandin.” Li aliyê din Dewleta Tirk a faşîst û qirker ku dereng destwerdan kir û bû sebeba mirina hezaran kesan, niha jî bi lez û bez bi kepçeyan dest bi rakirina kavilen kiriye.
Piştî erdheja di 6’ê sibatê de çêbûyî Partiya Demokratîk a Gelan (HDP) û komeleyên herêmê ketin nava seferberiyeke mezin.
Li ser vê yekê di pêşengtiya HDP’ê de ji bo piştevaniya mexdûrên erdhejê, Navenda Koordînasyona Krîzê hatibû avakirin.
Lê li navçeya Bazarcixa Mereşê ku navenda erdhejê bû, doh qeyûm tayînî Navenda alikariyê ya HDP’ê hate kirin.
Qeymeqamê Tirk bi gelek leşkeran hate navenda ku li gundê Hasankoca ye û dest danîn ser navendê.
HDP’î û dilxwazan bertek nîşan dan û biryar girtin ku xebatan li qadên cuda bimeşînin.
Navenda ku qeyûm tayîn kirinê gund bi gund birîn derman dikirin
Tevî hemû astengî û zordariya dewleta Tirk, ev 10 roj in li herêmê birînên gel li vê navendê tên pêçandin.
Berpirsiyarê navenda alikariyê: Dewletê dawî li piştevaniyê anî
Berpirsiyarê navendê Koray Turkay ê HDP’î ku qeyûm tayinî şûna wî hat kirin, derbarê mijarê de axivî û got:
“Em ji bo kesên ku bi saxî ji erdhejê filitîn û pêdiviya wan bi alîkariyê heye li vir bûn.
Lê dewletê îro ev piştevanî da sekinandin.”
Li ser kavilan kepçe; di bin de jî cenaze
Li aliyê din li herêmên erdhejê hîna jî gelek welatî û cenaze di bin xirbeyên avahiyan de ne.
Dilxwazan û xelkê bi xwe xebatên lêgerînê û rizgarkirinê kirin û bi sedan mirov ji bin xirbeyan rizgar kirin.
Dewleta Tirk a faşîst û qirker ku dereng destwerdan kir û bû sebeba mirina bi hezaran kesî, niha jî bi lez û bez bi kepçeyan dest bi rakirina kavilan dike.
Li navçeyên Mereşê ku ji ber erdhejê vala bûne.
Xelk ji ber nebûna ewlehiyê neçar mane ku navçeyan terk bikin.
Konên hatine vedan jî pêdiviyên xelkê bicih neanîne. Gelek zarok û welatî nexweş dikevin.
Xelkê mane jî helw didin cenazeyên xwe û xiradên di malên xwe ên hilweşiyayî de derbixin.
Hejmaran qurbaniyên erdhejê yên li Bakur û Tirkiyê nêzî 37 hezaran bû
Li gorî daneyên dawî ên rayedarên dewletê, 36 hezar û 187 kesan jiyana xwe ji dest dane.
Her wiha 108 hezar û 68 kes jî birîndar in.
