12 rojin, em bi hevre li wêraniya ku ji ber erdheja li bakurê Kurdistanê bi xwe re aniyî şahidiyê dikin. Di saeta 260’an a erdhejê de li Antakyayê zarokek hate xelaskirin. Divê navberê de jimara kesên jiyana xwe ji dest dane 38 hezar derbas kir. Tîma Hollandî ya serkêjî ji 90 tîmên rizgariyê dikir re ragihand ku ji ber windahî ewqas zêde bûn, wan bi zehmetî biryar didan.
6’ê Sibatê, bi saetên despêka rojê re, erdhejeke dijwar bû sedema ev wêranî pêk werin.
12 roj in, hêviyên xelaskirina kesên li bin kavilan dewam e.
Her çiqasî rejîma deshilat bi alavên mezin ketiye ser kavilan jî mexdurên erdhejê bi hêviyeke ji hêviyan li benda kesên xwe yên di bin xerabeyan de ne.
Ev hêvî bi derxistina zarokekî li Hatayê re hîna geştir bû.
Li navçeya navendî Antakya ya Hatayê ji bin kavilê avihiyekê zarokê 12 salî yê bi navê Osman di saeta 260’emîn a erdhejê de sax hate derxistin.
Piştî vê bi saetekê du ciwanên din yên bi navê Mustafa Avcı û Mehmet Ali Şakiroglu hatin xelaskirin.
Jimara kesên jiyana xwe ji dest dane 38 hezar derbas kir
Li aliyekî din, bîlançoya kesên jiyana xwe ji dest dane jî giran dibe.
AFAD’ê têkildarî kesên di erdhejê de jiyana xwe ji dest dane daxuyanî da.
AFAD’ê da zanîn ku piştî erdhejên ku bi pileyên 7,7 û 7,6 li navçeyên Bazarcixê û Elbistanê yên Mereşê çêbûn 4 hezar û 734 erdhejok pêk hatine.
Di erdhejê de 38 hezar û 44 kesan jiyana xwe ji dest dane.
Tîma Hollanda: Windahî ewqas zedebûn me bi zorê biryar didan
“Di destpêkê de hejmara kuştiyan ewqas zêde bû ku ez neçar bûm biryarên pir dijwar bigirim.”
Berpirsê Tîma Hollandî Marco Gaebler bi van gotinan tirajediya erdhejê vedibêje.
Marco Gaebler serkêşiya 91 tîmên navneteweyî yên lêgerîn û xilaskirinê yên li Tirkiyê dike.
Tîmê di roja duyemîn ya erdhejê de, li Mereş û Hatayê dest bi xebatên xwe kirin.
Tîma ku ji 65 kes û 8 perwerdekarên taybet pêk tên îro vegeriyan welatê xwe.
Gaebler li balafirgehê bersiva pirsan da û diyar kir ku tîmên bêtirî 4 saetan kar dikirin, dema kesek ji bin kavilan derdixistin, naçar diman ku wan ji bo xelasiyê bişînim ciheke din.
Serleşkerê Hollandî tewez kir ku wî ev biryar ji bo rizgarkirina zêdetir xelkê daye.
Gaebler anî ziman ku wergirtina vê biryarê gelek zehmet e.
Di vê navberê de, Neteweyên Yekbûyî ji bo mexdurên erdheja li bakurê Kurdistanê banga alîkariya 1 mîlyar dolarî kir.
Li gorî daneyên NY li Tirkiye 9 mîlyon kes ji erdhejê bandor bûne.
