Li Rojhilatê Kurdistan, Belûçîstan û Îranê careke din xwepêşandêran bi yek dengî daxwaza mafê xwe yê azadiyê kirin.
Li dijî jehrîkirina xwendekarên keç jî rêveberên rixstinên jinan yên li Bakur û Rojhilatê Sûrî bertek nîşan dan.
Rêveberên jin gotin;
Armanc bi vê yekê qutkirina dengê heqîqetê û jiholêrakirina destkeftiyên jinan e.
Daxwaza azadiyê 7 mehin bi xwepêşandanan nîşan didin.
Serhildana “Jin, Jiyan, Azadî” ya li Îran û Rojhilatê Kurdistanê di meha xwe ya 7’an de jî bi heman daxwazê didome.
Heta niha ne êşkenc, girtin, binçavkirin û darvekirinê nekariye gel ji daxwaza wan bide paş.
Doh bi şev jî çalakî bi awayên cûda dewam kirin.
Li gorî dîmenên hatine belavkirin, xwepêşanderan li bajarên cuda yên Rojhilatê Kurdistan, Belûçistan û Îranê dirûşmeyan gotin.
Hêzên hikûmet û Besîciyan ji bo rê li ber belavbûna xwepêşandanan bigirin, êrîşên xwe yên li ser jinan dewam dikin û li gelek cihan gef li jinan dixwin.
Tevî hemû zext û gefên desthilatdarê Îranê jî jin, ciwan li qadanin û dijî destilatê bê navber dirûşmeyên azadiyê diqêrin.
Li Îranê jehrîkirina xwendekarên keç
Di demekî piştevaniya bo xwepêşandanan zêde dibe de, hêrsa li dijî jehrîkirina xwendekarên keç jî didome.
“Jihrîkirina xwendekarên keç ji aliyê hikumetê ve bi zanebûn hat kirin”
Hevseroka Komîteya Perwerdeyê ya Tepqayê Leyla Muhammed li dijî vê yekê helwest nîşan da.
Leyla Muhammed diyar kir ku jehrîkirina xwendekarên keç ji aliyê hikûmetê ve bi zanebûn hatiye kirin û wiha got:
“Jêhrîkirina bi zanebûn a xwendekarên keç ên li Îranê encamek dîktatoriyê ye.
Hewl dide bi girtin, qetilkirin an jî bi qestî jehrîxistina kesên ku mafên xwe dixwazin atmosferek panîk û tirsê ava bike.
Ji meha Kanûnê ve bêtirî 7 hezar xwendekar hatine jehrdan û 4 jî mirin e.
Dewlet hewl dide serhildana ‘Jin, Jiyan, Azadî’ bitepisîne
Ji Rêveberên Meclisa Jinan a Zenûbyayê Fatima Bahboûh فاطمة بحبوح jî li ser heman mijarê axivî.
Fatima Bahboûh diyar kir ku dewlet hewl dide serhildanên jinan bitepisîne û got:
“Rêbaza herî dawî ya hovane ya ku rejîma Îranê pêk tîne jehrîkirina bi qestî ya xwendekarên keç li dibistanan e.
Armanc bi vê yekê qutkirina dengê heqîqetê û jiholêrakirina destkeftiyên jinan e.”
