Bi boneya cejnê Hevserokê Giştî yê HDP’ê Mîthat Sancar bi şandeyekê çû serdana navçeya Samandaga Hatayê ku erdhejê bandorek mezin lê kir.
Mîthat Sancar diyar kir ew ê êş, elem û şîna xwe bikin çavkaniya hêviyê û got:”Ji bo ku hesaba kesên me windakirin bipirsin û ji bo hesaba bajarên me yên hilweşiyayîn bipirsin em bi hev re tên.”
Bi boneya Cejna Remezanê Partiya Demokratîk a Gelan HDP’ê û Partiya Çepên Kesk serdan gel û goristanan dikin.
Hevserokê Giştî yê HDP’ê Mîthat Sancar bi şandeyekê çû serdana navçeya Samandaga Hatayê ku erdhejê bandorek mezin lê kir.
Siyasetmedaran li Taxa Meydan a Samandagê bi gel re hate ba hev û hevdîtin kir.
Li wir Hevseroka Giştî ya SYKP’ê Canan Yuce axivî û diyar kir ku ew cejnê bi xemgînî pêşwazî dikin
Canan Yuce anî ziman wm ê Hatayê jinûve ava bikin û got:
“Mezintirîn karesata bi serê gelê me hatî, îktîdara AKP-MHP’ê ye.
Em ê bi êş û hêrsa xwe biçin hilbijartinê û van tiştên bi serê me anîn ji bîr nekin.”
Mithat Sancar: Di van rojên keyfxweşiyê de em êşeke mezin dijîn.
Hevserokê Giştî yê HDP’ê Mîthat Sancar jî li wir axaftin kir û ev tişt anî ziman:
“Me dixwest ku îro ji bo pîrozkirina cejnê werin vê derê lê di van rojên keyfxweşiyê de em êşeke mezin dijîn.
Me erdhejeke mezin jiya lê yên ku ev erdhej veguherandîn karesatê, îktîdar e.
Bi aboriya rantê û pergala kedxwariyê, bajarên me veguherandin xirbeyan.
Ev erdhej, karesateke siyasî ye û berpirsyar jî îktîdar e.”
Di dewamê de Sancar qûrbaniyên erdhejê jiyana ji desd dan û bi bîr anî û carek din ji bo xizmên wan sersaxiyê xwest.
Mithat Sancar: Em ê êş, elem û şîna xwe bikin çavkaniya hêviyê
Sancar diyar kir ew ê êş, elem û şîna xwe bikin çavkaniya hêviyê û got:
“Ji bo ku hesaba kesên me windakirin bipirsin û ji bo hesaba bajarên me yên hilweşiyayîn bipirsin em bi hev re tên.”
Mithat Sancar: Ji bo hesabpirsînê li pêşiya me firsendeke dîrokî heye
Mîthat Sancar bi bîr xist ji bo hesabpirsînê li pêşiya wan firsendeke dîrokî heye û wiha bi dawî kir:
Partiya Çepên Kesk, navnîşana guherînê ye.
Me tecrûbeya bi dehan salan di bin sîwana Partiya Çepên Kesk de kir yek.
Yek ji bajarên herî taybet ê têkoşîna şoreşger û demokrat jî Samandag û Antakyaye.
Divê em bi awayeke herî xurt bikevin meclisê.
Di hilbijartina serokkomariyê de jî em bibiryar in ku bi vê îktîdarê bidin windakirin.
Ew hêza me heye ku vê pergalê biguherînin.
Piştî axaftin û peyaman hevdîtinên Sancar û şandeya pê re yên li Hatayê domandin.
