Şerê ku li Sudanê didome gelek welatan hemwelatiyên xwe ji Sûdanê derxistin.
Welatiyên Suriyê yên li bendera Bûr Sûdanê asê mane, xwe spartine Rêveberiya Xweser ku wan ji şer xelas bikin
Şerê ku li Sudanê didome gelek welatan hemwelatiyên xwe ji Sûdanê derxistin.
Welatiyên Suriyê yên li bendera Bûr Sûdanê asê mane, xwe spartine Rêveberiya Xweser ku wan ji şer rizgar bikin.
Li gor hin çavkaniyan, bêtirî 90 hezar welatiyên Suriyê ku di nava wan de Kurdên ji Kobanê û Girê Spî hene li Sûdanê dijîn.
Piraniya wan li Xertûm û derdora çemê Nîl û Keslayê ne.
Navenda Çavdêriya Mafên Mirovan a Sûriyeyê da zanîn ku ji ber şerê li Sûdanê 15 welatiyên Sûrî jiyana xwe ji dest dan.
Rêveberiya Xweser a Bakur û Rojhilatê Sûriyeyê ji bo vegerandina welatiyên Suriyê ji bo herêmên rêveberiyê yên ku li Sûdanê asê mane komîteyek ava kir.
Rêveberiya Xweser di daxuyaniya ku 27ʹê Nîsana borî dabû de ev tişt anîbû ziman:
“Erka vê komîteyê ye ku agahiyan bigihîne, şêwir bike û nexşeyekê ji bo vegera gelê me yê asê maye, vegerîne.
Em bi hêvî ne li Sûdan û tevahî herêman rewşa aram û îstîqrar çêbibe.”
Welatiyên Suriyê yên li Sudanê bang li Rêveberiya Xweser kir
Xelîl Hec Muslim ji gundê Qizelî yê Kobanê ye, ku zêdetirî 10 salan ve li Xertûmê karê kolandina bîran dike derbarê rewşa aloz a li Sudanê de ev tişt anî ziman:
“Roj bi roj rewş xirabtir dibe. Li kêleka şer jî dizî û talankirin a ji aliyê komên çekdar ve zêde dibin.
Di radeya yekemîn de ev binpêkirin digihêjin welatiyên ji Suriyeyê.
Komên çekdar bi awayekî mezin li tax û derdora paytextê belav in.
Piraniya malbatên biyanî di du hefteyên borî de ji Sûdanê hatin derxistin, lê ji bo welatiyên Sûrî tu bersiv an alîkarî nehatiye dayîn.”
Xelîl Hec Muslim bang li Rêveberiya Xweser a Bakur û Rojhilatê Sûriyeyê kir ku di demeke nêzîk de welatiyên Sûrî ji Sûdanê derxe.
Hec Muslim diyar kir ku hikumeta Şamê tu gav neavêtiye û got:
“Me xwe spartiye Rêveberiya Xweser. Em bi hêvî ne ku di demeke nêzîk de ji vê dojehê derkevin.”
Artêşa Sûdanî banga tevlêbûnê li hêzên piştevaniya lezgîn dike
