Endamê Konseya Rêveber a KCK’ê Mûstafa Karasû diyar kir ku divê Tifaqa Ked û Azadiyê dûrî nêzikatiyên teng be, xîtabî hemû beşên cavakê yên Bakûrê Kurdistan û Tirkiyê bike.”
Mûstafa Karasû diyarkir ku taybet 8 salên dawî tecrîda li Îmraliyê girantir bûye û dazanîn ku ji ber Rêber Apo polîtîkayên Erdogan red dike tecrîdê girantir dikin.
Endamê Konseya Rêveber a KCK’ê Mûstafa Karasû derbarê mijarên di rojevê de nirxandinên girîng kir.
Mûstafa Karasû da xuyakirin ku Partiya Çepên Kesk ji HDP’ê berfirehtir dikeve hilbijartinên 14’ê Gulanê û mûxalefeta rasteqîn a li dijî desthilatdariya faşîst a AKP-MHP’ê derxist holê.
Karasû got:
“Divê Partiya Çepên Kesk zêdetir xîtabî Tirkiyeyê bike
Divê di xîtaba civaka Tirkiyeyê de hinekî wêrektir û hinekî din jî vekirî be.
Ez ji bo hêzên demokratîk jî dibêjim
Heke rola wan rast bilîzin, firsendeke dîrokî derketiye holê. Valahiyek mezin heye.
Ji ber vê Partiya Çepên Kesk dikare tevî pêkhateyên xwe û hêzên tifaqê vê valahiyê dagre”
Mûstafa Karasû: Ev 8 sale tecrîdek giran li dijî Rêber Apo tê meşandin
Endamê Konseya Rêveber a KCK’ê Mûstafa Karasû di berdewamiya nirxandinên xwe de balkişand li ser tecrîda giran a li Îmraliyê jî û ev nirxandin kir:
“Nêzî 25 sal in Rêber Apo li Îmraliyê di bin tecrîdek giran de ye û ev yek jî li Tirkiyê rê li pêşiya faşîzm û qirkirinê vedike.
Ev 8 salin tecrîdek gelek giran tê meşandin.
Hiqûqa gerdûnî jî tê binpêkirin. Bi rastî jî ti bingehek ê hiqûqî nîn e. Ev kiryarek kêfî ya CPT jî li hember vê polîtîkayê di nava kiryareke keyfî de ye..”
“Ji ber Rêber Apo polîtîkayên Erdogan red dike tecrîd didome”
Mustafa Karasu diyar kir ku deshilatdariya AKP’ê naxwaze gotinek Rêber Apo jî derkve derve û got:
“Li ser Rêbertî şerekî psîkolojîk tê kirin. Çawa ku ji derve qirkirin û şerek tê meşandin, zextek zêde li ser gel tê meşandin, li dijî Rêbertî jî tê meşandin.
Ji xwe zexta yekem ji wir dest pê dike. Ji ber ku Rêbertî ye ku ev gel bi zane kirî, rêxistin kirî û anî rewşa têkoşînê, ev zext li dijî wî tê meşandin.
Ji ber vê yekê tecrîdek giran heye.”
Mustafa Karasu anî ziman ku ji ber Rêber Apo polîtîkayên AKP’ê red dike û li dijî wê helwest datîne, her gotina wî, dê li dijî wê helwestek be, tecrîd tê meşandin û hevdîtin nayê kirin.
