Li Kanada şewata daristanê, asîmanên welat di nava domanê de hiştiye.
Ev doman heta bajarê DYA New Yorkê jî hat.
Domanê bandor li 100 mîlyon kesî kir.
Di wextekî ku rengê asîmanan bi zer hat pêçan de, ji bo nexweşên dil û henasê hate xwestin ku dernekevin derve.
Şewata daristanan a ku bi hefteyan e li herêmên bakurê rojhilatê Kanadayê dewam dike, nayê vemirandin.
Ji ber dûmana ku ji şewatê derketiye esmanê Ontario û Quebecê girtiye:
Ev doman li bajarê New York yê herî qelebalix ê DYAyê belav bûye û rengê esman zer bûye.
Di daxuyaniya ku ji aliyê Wezareta Parastina Jîngehê ya Eyaleta New Yorkê ve hat dayîn de hat diyarkirin ku li 5 herêman hewayê xerab bûye û hişyariya tenduristiyê hat dayîn.
Ji kesên bi nexweşiyên dil û bêhnê re hat xwestin ku dernekevin derve.
Her wiha hemû çalakiyên li derve yên dibistanan hatin betalkirin.
Hat diyarkirin ku piraniya dûmanê ji ber şewatên li eyaleta Quebec a Kanadayê derketiye.
Adems: Wê rewşa hewayê xirabtir bibe
Şaredarê New Yorkê Eric Adams di daxuyaniyekê de got,
“Li bendê ye ku şert û mercên hewayê sibê piştî nîvro û êvarê xirabtir bibin.”
Saziya parastina daristanan a li dijî şewatê Sopfeu ragihand ku li 140 cihan şewat didome û li gelek cihan şewat ji kontrolê derketiye.
Tê diyarkirin heta Duşema bê jî, ew ne li benda baranê ne.
Tê payîn ku ji bo tefandina şewatê alîkariyên navneteweyî jî bê nkirin.
Serokwezîrê Kanadayê Jûstîn Trûdeaû got:
“Bi sedan tîmên agirkujê yên Amerîkayê gihiştine Kanadayê û gelekên din jî di rê de ne.”
Tê payîn ku nêzî 100 agirkuj ji Fransa jî berê xwe bidin herêmê.
Li New Yorkê peykerê azadiyê di nava domana zer de ma
Dûmana şewatê bandor li DYA’yê jî kir.
Peykera Azadiyê ya li New Yorkê û avahiya bilind a li Manhattanê di nav domanekî pirteqalî û qehweyî de ma.
Saziya Hewavaniya Sivîl a Emerîkayê (FAA) çûnûhatina hewayî kêm kir.
Hinek balefir qet ranebûn.
Li DYA 100 mîlyon kes ji şewatê bandor bûne
Saziya Parastina Jîngehê (EPA) diyar kir ku hewaya nebaş a ji ber şewatên li Kanadayê, bandor li ser 100 milyon kesan kiriye.
Nîvî jê li Quebecê li Kanadayê 20 hezar kes hatine veguhestin.
