Nîqaşên li ser encamên rêzecivînên Astanayê yên 20’emîn ên der barê Sûriyeyê de didomin.
Rojnamevan Vecih Cuzdan diyar kir ku rastiya li qadê nîşan dide ku hevdîtinên Astanayê ne çare ye û got:
“Ne Amerîka ne Rûsya dê muzakereyên di navbera Şam û kurdan de çareseriyê diyar bikin.”
Rojnamevan Vecih Cuzdan têkîldarî rêzecivînên Astanayê yên 20’emîn ku derbarê rewşa Suriyê de hat li darxistin nirxandin kir.
Cuzdan da xuyakirin ku hevdîtinên Astana û êrîşên Tirkiyê yên hemwext ên li dijî Bakur û Rojhilatê Sûriyeyê ne tesadûf e.
Vecîh Cuzdan: Hevdîtinên Astanayê neçareseriyê encam bûn
Cuzdan, anî ziman ku civîna astanayê neçareseriyekê encam bûye û wiha got:
“Beriya civîna ku bi armanca çareseriya li Sûriyê hate lidarxistin,
hate diyarkirin ku ji bo asayîkirina têkiliyên Enqere-Şamê nexşerêyek bê amadekirin.
Lê belê der barê nexşerê de tiştek nehat kirin.
Her wiha normalîzekirina têkiliyên di navbera Sûriye û Tirkiyê de di rewşeke nebaş de ye
ji ber ku li ser hin şert û mercên di navbera aliyan de hatiye avakirin.”
Kirdeya esas ya Sûriyê: Kurd
Cuzdan, destnîşan kir ku di civîna dawî ya Astanayê de cih nedan Kurdan û ev tişt anî ziman:
“Hevdîtinên ku nûnerên Tirkiye, Îran û mûxalefeta Sûriyeyê cih girtin
Kurdên ku kirdeya esas ya Sûriyê ne, nûnerên rêveberiya xweser tê de cih negirtin.
Ev jî nîşan dide ku mafê axaftinê nedane kurdan, berovajiyê wê hatine armancgirtin.
Hemû aliyan pêşaniyên xwe ‘têkoşîna wan bi terorê re’ li danezane dane nivîsandin.”
Cuzdan: Bêyî Kurdan çareserî nabe
Cuzdan, diyar kir ku Rûsya û rêveberiya Sûriyê kurdan sûcdar dikin ku li dora Amerîkayê ne lê Şam jî di têkiliyên li dijî Tirkiyê de ji derveyî Moskovayê tevnagere û ev yek got:
“Dema mijar dibe dê statuya bê qebûlkirin an na, dibînin ku alî di vê mijarê de li hev dikin.
Pêşaniya Tirkiye, Îran, Rûsya û Şamê ew e ku ji demekî kurt rêveberiya xweser belav bikin.
Dema di rojên pêşiya me de dîsa rastiya qadeke nû bû mijar wê têkiliyên Şam û Rojava dest pê bikin.
Ne hebûna Amerîka an jî Rûsyayê dê muzakereyên di navbera Şam û kurdan de çareseriyê diyar bikin.”
