Li Koreya Başûr gelek leşkerên Amerîka hene.
Yek ji van leşkeran dema bê destûr derbasî xaka Koreya Bakur dibe, ji aliyê Pyongyangê ve hate binçavkirin.
Niha Waşîngton ji bo wergirtina leşkerê xwe ketiye tevgerê.
Koreya Bakur leşkerekî Amerîkî yê ku bê destûr sînor derbas kiribû binçav kir.
Hat ragihandin ku ev leşker beşdarî gera li herêma ewlekariya hevpar a bêçek a di navbera her du welatan de ku ji aliyê Neteweyên Yekbûyî (NY) ve tê birêvebirin, bûye.
Rayedarekî ji televîzyona CBS a Amerîkayê re axivî û diyar kir ku leşker ji ber pirsgirêkên dîsîplînê wê vegerandiban welat.
Lê ev leşker despêkê li balafirgehê hatiye dîtin û piştre li herêma sînor tevlî gerê bûye.
Şahidekî ku beşdarî heman gerê bû ji CBS re got,
Leşker bi keyfxweşî ket Koreya Bakur.
Destpêkê ez fikirim ku ev henekek xirab e, lê dema ew venegeriya min fêm kir ku ew ne henek e.”
Li bajarê Panmunjom ku herêma ewlekariya hevpar lê ye, nûnerên Koreya Bakur û Başûr rû bi rû hevdîtin û danûstandinan dikin.
NY ji bo leşkerê Amerîka yê girtî ketiye tevgerê
Fermandariya Neteweyên Yekbûyî ragihand ku hemwelatiyê Amerîkî yê girtî destûr nayê dayîn ku derbasî welêt bibe.
Di daxuyaniyê de hat gotin,
“Em bawer dikin ku welatiyekî Amerîkî li Koreya Bakur girtî ye û ji bo çareserkirina vê mijarê em bi artêşa Koreya Bakur re dixebitin.”
Tê bawer kirin ku ew tenê hemwelatiyê Amerîkî ye ku li Koreya Bakur girtî ye.
Piştî Şerê Koreyan a navbera 1950-1953’an sînorê di nava Koreya Bakur û Başûr de, sînorên herî dijwar ê cîhanê ye.
Qada ku zeviyên mayinkirî lê tên asfaltkirin jî bi têlên elektrîkê û kamerayên çavdêriyê hatiye dorpêçkirin.
Li her du aliyên sînor jî leşkerên çekdar 24 saetan di nobedê de ne.
Şerê Koreyê beriya ku peymana aştiyê were îmzekirin bi dawî bû.
Sînorê Koreya Bakur û Başûr 24 saetan tên parastin
Koreya Bakur û Başûr di warê teknîkî de hîn di şer de ne.
Her sal, bi dehan kes ji ber sedemên wekî xizanî an birçîbûn hewl didin ku ji Koreya Bakur birevin.
Lêbelê, hewldana penaxwaziyê di nav devera bêçek de pir xeternak e, ji ber vê yekê ev rê pir kêm tê bikar anîn.
Nayê zanîn ji ber çi welatiyê Amerîkayê xwestiye ji sînor derbas bibe.
6 welatiyên Koreya Başûr jî hîna li Koreya Bakur girtî ne.
