Li Nisêbînê polîsên dewleta Tirk a dagirker bi ser malan de girtin, jinekê jiyana xwe ji dest da û 2 kes jî hatin biçavkirin.
Li kolana Sakarya ya taxa Selahadîn Eyubî ya navçeya Nisêbîn a Mêrdînê polîsên dewleta Tirk a dagirker avêt ser malekê.
Li gorî ajansa MA’yê di dema girtina ser malê de dengê çekan hat û paşê teqînek çêbû.
Heman çavkanî ragihand ku di pevçûnê de jinekê jiyana xwe ji dest daye.
Her wiha kesek birîndar bûye û tevî birîna xwe hatiye binçavkirin.
Piştî bûyerê kolan ji çûnhatinê re hat girtin û polîsên dewleta dagirker hemû tax dorpêç kirin.
Piştî vê bûyerê serê vê sibehê jî li heman taxê polîsên dewleta dagirker bi ser malan de girtin û keseke bi navê Bedîa Adiguzel hate binçavkirin.
