Moskow di demekî ku careke din êrişî Kîevê kir de, temenê leşkeriya neçarî bilind kir. Artêşa Ukraynayê jî ragihand ku wan li herêma Bahmutê pêşdeçûn bidest xistiye.
Li qadên rojhilatê Ukrayna şer dijwar bûye.
Pêşdeçûna artêşa Ukrayan ya li herêma Bahmûtê, Rûsya bihêrs dike.
Berpirsên cudaxwazan yên alîgirê Moskow li Donetskê îdia dikin Rûsya kariye êrişa dijber ya Ukrayna pûç bike.
Hemwextî van îdiayan li wê yekê jî mikur tê ku li herêmê rewşeke dijwar heye.
Berdevkê Serfermandariya Giştî ya Ukraynayê Andriy Kovalyov bi daxuyaniyekê ragihand ku leşkerên Rûsyayê ji çeperên xwe yên li nêzî herêma Andreyevka ya li başûrrojavayê Bahmutê paşve kişiyane.
Artêşa Rûsya di meha Gulanê de herêma navborî kontrol kiribû.
Kovalyov destnîşan kir ku artêşa Ukraynayê li bakur û başûrê Bahmutê dest bi êrîşan kiriye.
Ji aliyekî din ve, Serokê Komara Gel a Donetskê ku ji aliyê Mosko ve hatiye tayînkirin Denis Puşilin, destnîşan kir ku ew li eniyan bi “rewşeke dijwar” re rû bi rû ne.
Denis Puşilin ragihand ku artêşa Ukraynayê doh herî kêm 5 êrîş li ser xetên parastinê pêk aniye lê artêşa rûsî ew paşve xistin.
Li Kîev û Rojhilatê wê zengila alarmê lêket
Ji aliyê din ve Rêveberiya Leşkerî ya bajarê Kîevê ragihand ku Rûsyayê doh careke din êrişî pêk anî.
Di nava mehê de ev êrişa şeşemîn ya li ser Kîevê bû.
Ji ber êrişê, bêtirî 3 saetan li peytext Kîev û rojhiltê welat zengila alarmê lêket.
Rûsya temenê xizmeta leşkerî bilind kir
Li aliyekî din, di pêşkeftineke din de, Rûsya temenê xizmeta leşkerî ji 27 salî bo 30’î bilind kir.
Ev yek hemwextî wê yekê hat ku şerê li Ukrayna ket meha xwe ya 18’emîn.
Meclisa Jêrîn a Parlamentoya Rûsya Duma, ragihand ku “welatiyên di navbera 18 û 30 salî de wê ji 1ê Çileya 2024’ê ve ji bo leşkeriyê werin vexwendin”.
Di Îlona 2022’an de nêzî 300 hezar leşkerên yedek bo şer hatin xwestin.
Bi gava nû re, Moskow dixwaze jimara leşkeran zêde bike.
