Şêniyên Tirbespiyê cenazeyê şehîdê QSD’ê Mihemed Feysel li Goristana Şehîd Dilşêr bi merasîmekê oxir kirin.
Şervanê Hêzên Sûriya Demokratîk (QSD) Mihemed Feysel (Dijwar) 27’ê Tîrmehê di qezaya perwerdeyê de şehîd bûbû.
Şêniyên navçeya Tirbespiyê cenazeyê şehîd Mihemed Feysel bi merasîmekê li Goristana Şehîd Dilşêr a navçeyê spart axê.
Li goristanê endamê Meclisa Malbatên Şehîdan a Tirbespiyê Mihemed Îbrahîm axivî û sersaxî ji malbata şehîd re xwest.
Her wiha endamê Nivîsgeha Têkiliyan a Meclisa Leşkerî ya Qamişloyê Mihemed Zêdan soza şopandina riya şehîdan da.
Bi navê malbata şehîd Mihemed Feysel, apê wî Inad Xelef jî diyar kir ku ew bi şehadeta wî serbilindin.
Piştre wesîqeya şehadetê a şehîd hat xwendin û radestî malbata wî hat kirin.
Cenazeyê şehîd tevî di bin dirûşme û tilîliyên dayikan hate veşartin.
