Piştî lûtkeya Afrîka-Rûsya ji Moskow têkildarî Ukrayna peyamên aramkirina rewşê derdikevin.
Serokê Rûsya Putin got, ew fikra hevdîtinên aştiyê ya li gel Ukraynayê red nakin.
Hemwextî peyamên Putin, li Moskow êrişek bi dornê pêk hat.
Daxwaz û peyamên ji lûtkeya Afrîka-Rûsya derketîn, Serokê Rûsya Vladimir Putin ber bi peyamên danûstandinên bi Ukrayna ve bir.
Putin diyar kir ku ew fikra hevdîtina li gel Ukrayna red nakin û got; Heta Çîn û Afrîka dikare ji bo vê yekê navbenkariyê bike.
Serokê Rûsya îşaret bi wê yekê kir ku dema artêşa Ukraynayê êriş bike wê zehmet be ku agirbest pêk were.
Şertên maseya aştiyê û peyamên şer
Ukrayna û Rûsyayê ji bo li ser maseya aştiyê rûnên gelek şert û merc danîne.
Kîev got; Ew ê dev ji herêmên xwe yên ketine bin kontrola Rûsyayê bernedin.
Li hemberî vê Moskow jî dibêje, “divê rastiya nû were qebûlkirin”.
Rûsyaya ku par êrişî cîranê xwe kir, li rojhilat û başûrê Ukraynayê herêmek mezin kontrol dike.
Şevê din di konfranseke rojnamevaniyê de, Putin ev tişt anî ziman:
Ti planek ji bo xurtkirina şerê li Ukraynayê nîne.
Putin ji bo girtina kesên şer rexne dikin parast û got, van kesan ji hundir zerar dane Rûsyayê.
Ji dema êrişa Rûsya ya li dijî Ukrayna, rexnegirên şer yên Rûsya hatin girtin an jî neçar man ku welatê xwe biterikînin.
Mehek beriya lûtkeya Rûsya û Afrîkayê, serokên 7 welatên Afrîkayê cuda cuda bi Serokê Ukraynayê Volodymy Zelensky û Serokê Rûsyayê Vladimir Putin re hevdîtin kirin.
Ji aliyê din ve Rûsyayê ragihand ku îro danê sibê du avahiyên ofîsê yên li Moskowê ji aliyê Ukraynayê ve hatine armanckirin.
Şaredarê Moskowayê Sergey Sobyanin ragihand ku êriş bi droneyan hatiye kirin û qada hewayî ya bajêr bi awayekî demkî hatiye girtin.
Piştre qada hewayî ji nûve hat vekirin.
Zelensky bi leşkerên li herêma Baxmutê re civiya
Serokomarê Ukraynayê Zelensky serdana leşkerên ku hewl didin bajarê Baxmutê ji bin kontrola Rûsyayê derxînin kir.
Ev bajar demek dirêje bûye navenda herî germ a şerê li Ukrayna.
Rêveberên Ukraynî dibêjin ew nêzîkî bajarê ku Rûsya di Gulanê de girtibû, bûne.
