Medya Iraqê ragihand ku balefirên şer ên dewleta Tirk a dagirker derdora gundên Mêrsîda û Bîrobasfire yên bajarokê Şêxan ê Dihokê bombebaran kir.
Medya Iraqê li gorî agahiyên ji çavkaniyên emnî girtî di derbarê êrişê de ev agahî parve kirin:
Beriya danê nîvro balefirên şer ên dewleta Tirk a dagirker, derdora gundên Mêrsîda û Bîrobasfire yên bajarokê Şêxan ê li Rojhilatê Dihokê, du caran bombebaran kirin.
Di encama bombebaranê de agir bi zeviyên herêmê ket û ziyanek mezin gihiştiye bax û zeviyên welatiyên herêmê.
Hêjayî gotinê ye dewleta Tirk a dagirker di demên dawî de êrişên xwe ên li dijî herêmên Başûrê Kurdistanê û Iraqê zêde kirine.
Lê tevî vê yekê jî ji aliyê herdû hikûmetên desthilatdar ve li dijî binpêkirina serweriya herêmê ti helwest nayê nîşandan.
Balafira bêmirov ya dewleta Tirk li Silêmaniyê wesayîtek kir armanc
