Serokwezîrê Îsraîlê Netanyahu li hember rexneyên Biden yên ku ji bo reforma dadwerî tê bertek nîşan da.
Netanyahu diyar kir ku mafê kesî nîne ku mudaxileyî pirskirêkên wan yên hindirîn bike û got:”Bi rastî ev ne di xema min de ye ku ez li ser vê yekê şîrove bikim.”
Serokwezîrê Îsraîlê Benjamin Netanyahu di hevpeyvînekê ligel kanalekî Amerîkî de reaksiyonên navdewletî yên li hember reforma dadwerî nirxand.
Netanyahu diyar kir ku di dema desthilatdariya xwe ya 16 salan de wê tu carî li ser karûbarên navxweyî yên demokrasiyên din şîrove nekiriye û got:
“Hemû kes di derbarê Israîlê de xwedî nêrînekê ne, lê belê li hemberi serhildanên li Fransa, xwepêşandanên li wir û nîqaşên li welatên din bêdengin.”
Ji Netanyahu bo biden: Destwerdanê nekin
Balkêşe ku ev nêrîna Netanyahu di demekî de ye ku Serokê Dewletên Yekbûyî yên Amerîka (DYA) Joe Biden bang li wî dike ku di mijara reforma darazê de gav paşde bavêje.
Netanyahu, anî ziman ku li ser reforma dadwerî li DYA nîqaşek mezin heye û got:
“Bi rastî ev ne di xema min de ye, ku ez li ser vê yekê şîrove bikim.”
Serokwezîr Netanyahu di dewamiyê de diyar kir ku ew ê di bin bandora zextên navneteweyî de nemînin.
Lewma ew ê wek hikûmeta hilbijartî ya Îsraîlê biryara xwe bidin.
Li Îsraîlê alozî bidawî nabe
Meclisa Îsraîlê di 24ê tîrmehê da pêşnûmeya “reforma darazê” qebûl kir.
Wê demê jî DYA qebûlkirina pêşnûmeyê weke gaveke nebaş nirxwandibûn.
Li gotî biryarê Dadgeha Bilind nikare li ser biryarên hikumetê de biryareke din bigire.
Pêşnûmeya ku cara yekem di 5’ê Çile de hat ragihandin, di navbera hikûmet û mûxalefetê de bû sedema nîqaşên tund.
Bi wê re li seranserî welêt xwepêşandanên girseyî hatin li dar xistin.
Her wiha gelek hêzên leşkerî yên Îsraîlê jî dest ji erkê xwe berdan.
