Wezîrê Karê Derve yê Amerîkayê Blinken rexne li Moskowê kir ku ji Peymana Korîdora Grain vekişiyaye.
Blinken, Rûsya bi “şantajêkirinê” sûcdar kir û got:
Li Cîhanê nirxê genim ji sedî 8 zêde bûye.
Di Konseya Ewlekarî ya Neteweyên Yekbûyî de, careke din Rûsya û Amerîka hatin pêşberî hev.
Wezîrê Karê Derve yê Amerîka Antony Blinken, Moskow a ji peymana korîdora genim vekişiyayî bi “şantajê” tawanbar kir.
Blinken, doh li baregeha NY ya li New Yorkê serokatîya civînekê li ser bêewlehîya xwarinê kir, ji Konseya 15 endamî re got;
“Nabe birçîbûn weke çekê were bikaranîn.”
Peymana ku di Tîrmeha 2022’an de bi navbeynkariya NY û Tirkiyê hat îmzekirin, destûr da ku Kîev di dema Şerê Ukraynayê de bi rêya deryayê dexl derxîne derveyî welat.
Armanca peymanê kêmkirina nirxê xwarinê ya li cîhanê bû.
Nepejirandina Moskowa ji dirêjkirina peymanê bû sedema bilindbûna bihayê genim û bandorek neyînî li welatên xizan kir.
Blinken got,
“Divê her endamê vê konseyê, her endamê NY ji Moskovayê re bêje ‘Êdî bes e, dev ji bikaranîna Deryaya Reş wek şantajê berde”.
Moskow ji Konseya Ewlekariya ny misogeriyê dixwaze
Moskow jî di warê xwe de misogeriyê dixwaze.
Alîkarê Nûnerê Daîmî yê Rûsyayê li NY Dmitriy Polyanskiy di civîna konseyê de axivî û xwest astengiyên welatên rojavayî li ser karsazên Rûsya bidawî bike.
Piştî ku Moskow ji peymanê vekişiya, dest bi armanckirina navendên Ukrayna yên ji bo şandina genim kir.
Hat ragihandin ku roja Çarşemê balafirên bêmirov ên rûsî zirar dane binesaziya bendereke Ukraynayê ya li ser Dunayê.
Blinken: Li cîhanê nirxê genim ji seîd 8 bilind bûye
Sêşemê DYA serokatiya demkî ya Konseya Ewlekariyê ya NY dewir girt.
Blinken got;
Ji dema vekişîna Rûsya ji peymana korîdora genim bihayê genim li seranserê cîhanê ji sedî heşt bilind bûye.
Blinken di axaftina xwe ya ji ABC News ev tişt anî ziman:
Waşington plan dike ku “daxuyaniyek hevbeş ji bo şermezarkirina karanîna xwarinê wekî çekek” derbixe.
Hemwextî vê berî niha ji hêla 91 welatan ve jî daxuyaniyek a şermezarkirinê hatibû îmzekirin.
