Li Arjantînê namzetên serokomariyê beriya hilbijartinê gotinên xwe yên ji bo aboriya welat zelaltir dikin.
Namzetê rastgirên tund Javier Milei yê di hilbijartina navberê de dengê herî zêde bidest xistî got:”Ez ê bankên navendî bigrim û bi Çînê re hevkariyê nekim.”
Li Arjantînê beriya hilbijartinên giştî yên meha Cotmehê, li welat hilbijartina navberê pêk hat.
Rastgirê tundrê Javier Milei yê dengê herî bilind girtî, piştî serketinê soza xwe ya girtin bankayên navendî ya welatê dubare kir.
Milei: Banka navendî ya Arjantînê wekî çopê ye
Mileî ku Bankeya Navendî ya Arjantînê wekî Çopa herî mezin a cîhanê bi nav kirî, diyar kir ku hewcedariya bi vê saziyê tune ye.
Her wiha wî Bankên Navendî weke tişteke herî xirab pênase kir.
Siyasetmedarê Arjantînî teqez kir ew armanc dike deynê Arjantînê bide û nehêle aboriya welêt têk biçe.
Mileî her wiha diyar kir eger wek serokomar were hilbijartin, ewê welat ji bazara hevpar a Amerîkaya Başûr derxînin û bi Çînê re hevkariyê neke.
Namzedê serokomariyê anî ziman ku ew ê li şûna pesoyan dolarên Amerîkî bîne û şîrketên dewletê yên ku ziyan dîtine taybet bike.
Pereyên Arjantînê li hember dolar bênirx dibe
Her wiha diyar kir ew dixwazin li welêt rê bide firotina çek û organan.
Ji aliyê din ve, pereyên Arjantînê peso her ku diçe li hember dolar nirxê xwe winda dike.
Niha jî enflasyona salane li Arjantînê ji sedî 115’e.
22’ê Cotmehê li Arjantînê hilbijartina serokomariyê pêk tê
Balkêşe ku li Arjantînê çûyîna ser sindoqê û karanîna dengan mecbûrî ye.
Ji ber vê sedemê di hilbijartina 22’ê Cotmehê de kesê herî zêde deng bi dest xistiye weke aliyê herî baş ya hilbijartina serokomariyê tê dîtin.
Eger di hilbijartinê de ti namzetek ji sedî 45’ê dengan bidest nexe, wê demê neçare ji sedî 10 li pêşî rikberê xwe yê din be.
Dema ev yek jî pêk nehat, wê demê tûra duyemîn a hilbijartinê wê 19’ê Midjarê pêk bê.
Li Arjantînê hilbijartin: Namzetê rastgiran dengê herî zêde girt
