Lêkoler û femînîsta sûdanî Nîmet Koko Mihemed şoreşa jinan a Bakur û Rojhilatê Sûriyê silav kir û got: Şoreşa jinan a Bakur û Rojhilatê Sûriyê nimûneya zindî ya berxwedanê ye” Berxwedana wan ji bo herêmê û seranserî cîhanê peyameke rastîn bû.”
Konfransa Navneteweyî ya Jinan di 18 û 19`ê Tebaxê de li paytexta Lubnan Beyrûdê li dar ket.
Ji jinên ku tevlî li konferansê bûn, Lêkolera siyasetên alternatîf û femînîsta sûdanî Nîmat Koko Mihemed e.
Nîmat Koko Mihemed behsa giringiya konferansê kir û ev tişt got:
Konferans gelek girîng bû.
Astengî û zehmetiyên li pêşiya jinan û tevgerên jinan derdikevin û rola wê di guhertina civakî de nîqaş kirin.
Ev kongre, destpêkeke rastîn e ji bo bandor li geşedanên li herêmê rû didin, dike.”
Nîmet balkişand ser dirûşma kongreyê ku “Li ser şopa jin, jiyan, azadî” li dar ketiye û wiha anî ziman:
“Bi rastî ev dirûşm bi baldarî hatiye hilbijartin.
Ji ber bê jin, jiyan ne pêkan e. Bê jina azad, kongreyeke azad nîn e.”
“Şoreşa jinan a Bakur û Rojhilatê Sûriyê nimûneya zindî ya berxwedanê ye”
Nîmet da zanîn ku jinên Bakur û Rojhilatê Sûriyê nimûneyeke zindî ya berxwedanê nîşan da û wiha domand:
Berxwedana wan ji bo herêmê û seranserî cîhanê peyameke rastîn bû.”
Jinan rêya rizgariya xwe bi berxwedanê diyar kir û tiştê ku li Bakur û Rojhilatê Sûriyê bûye nimûneyeke balkêş e.
Tecrubeyeke dîrokî ye ji ber wê divê em bingehên wê bizanin.
Divê jinên têkoşer, berxwedêr û lehegen, li hember zehmetiyên li pêşiya wan derdikevin wê ji xwe re bikin bingeh.”
Nîmet Koko diyar kir ku yek ji xalên lewaziyê, belavbûna rêxistinên jinan e û got:
Em dikarin xwe bispêrin tecrubeya li Bakur û Rojhilatê Sûriyê. Ev mînak, layîqî rêzdariyê ye.”
Ger em tecrubeya jinên Bakur û Rojhilatê Sûriyê li hemû deverên şer û kirîzan pêkbînin, wê demê em ê herêmê biguherînin û rêya pêşerojê ji bo xwe û ji bo nifşên nû xêz bikin.”
