Serokwezîrê berê yê Pakistanê Xan tevî ku bi kefalet hat berdan dê du hefteyên din jî di girtîgehê de bimîne
Xan di Nîsana 2022’an de ji ber nakokiyên siyasî bi dengdana li Meclîsê ji erk hat girtin.
Ji wê demê heta niha bêtirî 150 doz li dijî wî hatine vekirin.
Serokwezîrê berê yê Pakistanê Îmran Xan, ji ber sûcê gendeliyê 3 sal cezayê girtîgehê lê hatibû birîn.
Biryar hatiye girtin ku Xan bi kefaletê serbest were berdan.
Dema girtinê 2 hefteyên din hat dirêj kirin
Lê tevî vê yekê jî wê Xan herî kêm, 2 hefteyên din di girtîgehê de bimîne.
Parêzgerê Xan diyar kir dadgeha dij-terorê dema girtina muwekîlê wî dirêj kiriye.
Parêzer da zanîn ku doza bê, wê di 2’ê Îlonê de bê dîtin.
Xan Nîsana 2022’an ji ber nakokiyên siyasî ji erk hat girtin
Xan di Nîsana 2022’an de ji ber nakokiyên siyasî bi dengdana li Meclîsê ji erk hate dûrxistin.
Ji wê demê heta niha bêtirî 150 doz li dijî wî hatine vekirin.
Yek ji dozên sereke yên ku li dijî wî hatine vekirin ev e ku wî belgeyen fermî yên dewletê di mitînga li Îslamabadê de nişan dane.
Piştî wê yekê ji Xan ji erk hate dûrxistin.
Xan dibêje ew bi komploya DAY ji erk hatiye girtin
Di axaftinên xwe yên televizyonî de, Xan gelek caran ev belge wek delîlên gefên Dewletên Yekbûyî yên li ser wî binav kir.
Belgeya ku “Şîfre” tê binavkirin, ne ji hêla hikumet û ne jî ji hêla Xan ve nehatiye eşkere kirin.
Lê belê hat destnîşankirin ku di nava wan de nameyên dîplomatîk ên di navbera Balyozê Pakistanê yê Washingtonê û Wezareta Karên Derve ya Pakistanê de hene.
Xan ji erk ketina xwe karê komployeke Dewletên Yekbûyî yên Amerîkayê (DYA), serokwezîrê berê Şahbaz Şerîf û artêşa Pakistanê binav dike.
