Bi sedan şêniyên navçeya Til Hemîsê ya Qamişlo ji bo piştgiriya QSD′ê meşek li dar xistin.
Şêniyên Menbicê ji bo piştgiriya QSD daketin qadan û banga yekîtiyê li gelên herêmê hat kirin.
Şêniyên bajarokê Til Hemisê ji bo piştgiriya bi QSD’ê re meşek lidarxistin.
Bi sedan şêniyên navçe, nûnerên saziyên sivîl, partiyên siyasî û rûspiyê eşîran beşdarî meşê bûn.
Meş ji pêş avahiya Meclisa Navçeyê ya Til Temîsê dest pê kir û heta çerxeriya Sewami meş vegerî mîtîngê.
Di meşê de rûspiyê eşîra El Şemer Mihemed El Şemerî piştgiriya eşîrên herêmê ji Operasyona “Xurtkirina Ewlehiyê” re nîşan da û li ser bûyerên li Dêrazora wiha axivî:
“Tiştê li Dêrazorê çêbûye, berê hatibû plankirin.
Armanca wê hevgirtinên eşîrên Ereban û QSD′ê û aramiya herêmê têk bibin.
Armanca vê planê ew bu ku çeteyên dewleta Tirk bikarin bi hêsanî herêmên me dagir bikin.”
Şervanê QSD′ê Mahir Ehmed jî wiha got:
“Tiştên îro li ser çapemeniyê derdikevin fitineyek e ji hêla dewleta Tirk a dagirker û rejîma sûriyê pêk tên.
Bi van kiriyaran dixawazin tevlehviya derxin ku aramî û ewlehiya herêmê têk bibin.
Lê em wek şervanên QSD’ê heta serkeftinê em ê têkoşînê bilind bikin.”
Meş bi diruşmên silavkirina QSD′ê bi dawî bû.
