Komîteya Tifaq û Têkiliyên Demokratîk a KJK’ê bi wesîleya salvegera serhildana ‘Jin, Jiyan, Azadî’ daxwiyaniyek da.
KJK’ê bang li hemû kurdan û gelên li Îranê kir ku tevlî çalakiyan bibin û xwedî li şoreşa xwe derkevin.
Komîteya Tifaq û Têkiliyên Demokratîk a KJK’ê bi wesîleya salvegera serhildana ‘Jin, Jiyan, Azadî’ daxwiyaniyek nivîskî da .
KJK’ê têkildarî vê rojê bang li hêzên cîhanê yên demokratîk kir ku gelên Îranê bi tenê nehêlin .
KJK’ê bi bîr dixe bi şehîdxistina keça kurd Jîna Emînî li seranserî Îranê bi pêşengtiya jinan gelê Îranê rabû ser piyan û wiha dibêje:
“Rastiya ‘Jin, Jiyan, Azadî’ beriya bi salan ji aliyê Rêber Apo ve hate bilêvkirin.
Jin, Jiyan, Azadî îro veguheriye karakterekî gerdûnî ku formula jiyan û azadiyê ye ji bo jinan.
Li dijî polîtîkayên dijminane yên dewleta Îranê, jin bi çalakiyên radîkal rabûn ser piyan.
Berxwedana jinê ya rêxistinbûyî ku li ber zilm, zext, mêtingeriya zaliman bêdeng namîne, serî natewîne.”
KJK: Jin êdî naxwazin wê jiyana bi zora desthilatdariyê bijîn
KJK’ê diyar kir ku ev çalakiyên ku bi daxwaza maf û azadiyê ya jinan destpê kirin pir cuda ne û got:
“Jinan destmala li ser serê xwe avêtin, şewitandin, porên xwe weke şîn û raperînê birîn, kolan dagirtin.
Me çalakiyên jinan ên bi vî rengî gerdûnî dîtin û dibînin.
Jinan diyar kirin ku ew êdî naxwazin wê jiyana bi zora desthilatdariyê bijîn.
Jinan bi çalakiyên Jin, Jiyan, Azadî ispat kirin ku li cîhaneke bindest hepvar in, têkoşîna jinê jî wê hevpar be.
Jîna Emînî ji aliyê aqlê mêr ê kujer ve hate qetilkirin. Lê belê ev komkujî bi dawî nebû. ”
KJK’ê ji bo çalakiyên şoreşa “Jin Jiyan Azadî” banga tevlîbûnê kir
Di daxuyaniyê de ji dewleta Îranê hate xwestin ku dawî li zextên li jinan bîne û daxwaza azadiya Zeyneb Celaliyan dubare kir.
KJK’ê herî dawî bang li hemû kurdan û gelên li Îranê kirku tevlî çalakiyan bibin û xwedî li şoreşa xwe derkevin.
